June 16, 2021
June 16, 2021
ഷാര്‍ജ: താമസ സ്ഥലത്ത് ആഫ്രിക്കന്‍ സ്വദേശികള്‍ തമ്മിലുണ്ടായ സംഘര്‍ഷത്തിനിടയില്‍പെട്ട മലയാളി അടിയേറ്റ് മരിച്ചു. ഇടുക്കി കരുണാപുരം കൂട്ടാര്‍ തടത്തില്‍ വീട്ടില്‍ വിജയെന്‍റ മകന്‍ ടി.വി. വിഷ്ണുവാണ് (29) മരിച്ചത്. ചൊവ്വാഴ്ച ഉച്ചക്ക് ഒന്നിനാണ് സംഭവം.
ഷാര്‍ജ അബൂഷഹാലയിലെ താമസ സ്ഥലത്ത് ആഫ്രിക്കന്‍ സ്വദേശികള്‍ തമ്മിലുണ്ടായ സംഘര്‍ഷത്തിനിടെ വിഷ്ണു പെട്ടുപോകുകയായിരുന്നു. ഷാര്‍ജയിലെ സലൂണ്‍ ജീവനക്കാരനായ വിഷ്ണു ഓഫ് ദിവസമായതിനാല്‍ ജോലിക്ക് പോയിരുന്നില്ല. മൃതദേഹം ഷാര്‍ജ പൊലീസ് മോര്‍ച്ചറിയില്‍.
