May 02, 2022
May 02, 2022
ദോഹ : അന്തരാഷ്‌ട്ര തൊഴിലാളി ദിനത്തിന്റെ ഭാഗമായി എം.ഇ.എസ് ഇന്ത്യൻ സ്‌കൂൾ ജീവനക്കാർക്കായി പ്രവാസി ഇന്ത്യക്കാരുടെ (എൻആർഐ) ക്ഷേമ പദ്ധതികളെക്കുറിച്ച് ബോധവത്കരണ സെമിനാർ നടത്തി.സാമൂഹിക പ്രവർത്തകൻ റഊഫ് കൊണ്ടോട്ടി വിഷയം അവതരിപ്പിച്ചു..കേന്ദ്ര-സംസ്ഥാന സർക്കാരുകൾ വാഗ്ദാനം ചെയ്യുന്ന പെൻഷൻ പദ്ധതി ഉൾപ്പെടെ നിലവിലുള്ള വിവിധ ക്ഷേമ പദ്ധതികൾ അദ്ദേഹം വിശദീകരിച്ചു, പ്രശ്‌നരഹിതമായ പ്രവാസ ജീവിതവും വിരമിക്കലിന് ശേഷമുള്ള ജീവിതവും സുരക്ഷിതമാക്കാൻ മുഴുവൻ പ്രവാസികളും ഇത്തരം ക്ഷേമ പദ്ധതികളിൽ ചേരണമെന്ന് അദ്ദേഹം അഭ്യർത്ഥിച്ചു.
സർക്കാരുകളുടെ ഇത്തരം പദ്ധതികളിൽ അംഗമാവാൻ നാമമാത്രമായ തുക മാത്രമേ ആവശ്യമുള്ളൂ എന്നും അദ്ദേഹം ഓർമിപ്പിച്ചു.ദീർഘകാലാടിസ്ഥാനത്തിൽ വ്യക്തിക്കും കുടുംബത്തിനും വളരെ പ്രയോജനപ്രദമായ ഇത്തരം പദ്ധതികളെക്കുറിച്ച് പ്രവാസികൾക്ക് അറിവുണ്ടായിരിക്കണമെന്നും അദ്ദേഹം പറഞ്ഞു.
സ്‌കൂൾ പ്രിൻസിപ്പൽ ഹമീദാ ഖാദർ സംസാരിച്ചു.പരിപാടിയുടെ മുഖ്യ സംഘാടകനും സ്‌കൂൾ അഡ്മിൻ മേധാവിയുമായ മുഹമ്മദ് റാഷിദ്,അക്കാദമിക് ഇൻസ്പെക്ഷൻ മേധാവി ബേബി ഷാന എന്നിവർ നന്ദി രേഖപ്പെടുത്തി.
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
