July 31, 2021
July 31, 2021
ദോഹ: ഈജിപ്തിലെയും ലിബിയയിലെയും പുതിയ അംബാസഡര്‍മാരെ ഖത്തര്‍ പ്രഖ്യാപിച്ചു. അമീര്‍ ശൈ്ഖ് തമീം ബിന്‍ ഹമദ് അല്‍താനിയാണ് അംബാസഡര്‍മാരെ പ്രഖ്യാപിച്ചത്. ഈജിപ്തിലെ പുതിയ പ്രതിനിധിയായി സലിം ബിന്‍ മുബാറക് അല്‍ഷാഫിയെയാണ് നിയമിച്ചത്. ഖാലിദ് മുഹമ്മദ് അല്‍ദോസരി ലിബിയയിലേക്കാണ് നിയമിതനായത്. അല്‍ഷാഫി മുമ്പ് തുര്‍ക്കിയിലെ ഖത്തര്‍ അംബാസഡറായിരുന്നു.2011 ലെ അറബ് വസന്തകാല പ്രതിഷേധത്തിനിടെ മുന്‍ നേതാവ് മുഅമ്മര്‍ ഗദ്ദാഫിയെ അട്ടിമറിച്ചതുമുതല്‍ ലിബിയ അശാന്തിയിലും അക്രമത്തിലും മുങ്ങിയതാണ്.ഈ വര്‍ഷം അവസാനത്തോടെ നടക്കാനിരിക്കുന്ന പാര്‍ലമെന്ററി, പ്രസിഡന്റ് തിരഞ്ഞെടുപ്പുകള്‍ക്കായി രാജ്യം ഇപ്പോള്‍ തയ്യാറെടുക്കുകയാണ്.
