September 16, 2019
September 16, 2019
കുവൈത്ത് സിറ്റി : കുവൈത്തിലെ ചില മേഖലകളിൽ ഇന്നലെ നേരിയ ഭൂചലനം അനുഭവപ്പെട്ടതായി റിപ്പോർട്ട്.കബ്ദ് മേഖലയുടെ വടക്കു ഭാഗത്തും ജഹ്റയുടെ തെക്കു ഭാഗങ്ങളിലുമായി കഴിഞ്ഞ ദിവസം നേരിയ ഭൂചലനം അനുഭവപ്പെട്ടതായി നാഷനല് സീസ്മോളജിക്കല് നെറ്റ്വര്ക്ക് (എന്.ഐ.എസ്) അറിയിച്ചു.റിക്ടര് സ്കെയിലില് 3.1 തീവ്രത രേഖപ്പെടുത്തി. പുലര്ച്ച ആറിനുശേഷമാണ് ഭൂചലനം അനുഭവപ്പെട്ടത്.
ആറ് കിലോമീറ്റര് ആഴത്തിലാണ് ചലനമുണ്ടായതെന്നും ജഹ്റയിലെ താമസക്കാര്ക്ക് ഭൂചലനം അനുഭവപ്പെട്ടിരുന്നെന്നും നാഷനല് സീസ്മോളജിക്കല് നെറ്റ്വര്ക്ക് മേധാവി ഡോ. അബ്ദുല്ല അല് ഹിന്സി വ്യക്തമാക്കി. എന്നാല്, നാശനഷ്ടങ്ങള് ഇതുവരെ റിപ്പോര്ട്ട് ചെയ്തിട്ടില്ല. ആഭ്യന്തര മന്ത്രാലയത്തിനു കീഴില് സുരക്ഷാസംഘം പരിശോധന ആരംഭിച്ചിട്ടുണ്ട്.