April 18, 2024
April 18, 2024
കുവൈത്ത് സിറ്റി: കുവൈത്തിലെ ഇലക്ട്രോണിക് സേവനങ്ങളുടെ ഏകീകൃത സർക്കാർ ആപ്ലിക്കേഷനായ ‘സഹേൽ’ ഹാക്ക് ചെയ്യപ്പെട്ടുവെന്ന വാർത്ത വ്യാജമാണെന്ന് അധികൃതർ അറിയിച്ചു. ആപ്ലിക്കേഷന്റെ ഉപയോക്താക്കൾക്ക് ലഭിച്ച അറിയിപ്പ് അഴിമതി വിരുദ്ധ അതോറിറ്റിയുടെ (നസഹ) പുതിയ സേവനം കൂട്ടിച്ചേർക്കുന്നതുമായി ബന്ധപ്പെട്ടതാണെന്ന് സഹേൽ ഔദ്യോഗിക വക്താവ് യൂസഫ് കാഥേം വ്യക്തമാക്കി.
നസഹയുടെ പുതിയ സേവനം സംബന്ധിച്ച അറിയിപ്പ് എല്ലാ ഉപയോക്താക്കളിലും എത്തിയെന്നും ഇത് ചില ആപ്ലിക്കേഷൻ സേവനങ്ങളെ മന്ദഗതിയിലാക്കാൻ കാരണമായെന്നും അദ്ദേഹം വിശദീകരിച്ചു. വിശ്വസനീയമായ സ്രോതസ്സുകളിൽ നിന്ന് വിവരങ്ങൾ നേടേണ്ടതിന്റെ ആവശ്യകതയും കിംവദന്തികളും തെറ്റായ വിവരങ്ങളും പ്രചരിപ്പിക്കരുതെന്നും അദ്ദേഹം പറഞ്ഞു.
അതേസമയം, സാമ്പത്തിക നടപടികൾക്ക് വിധേയരായ വ്യക്തികളുമായി ബന്ധപ്പെട്ട വിവരങ്ങളും സഹേൽ ആപ്പിൽ ഉൾപ്പെടുത്തിയതായി കുവൈത്ത് അഴിമതി വിരുദ്ധ അതോറിറ്റി (നസഹ) അറിയിച്ചു. സഹേൽ ആപ്പിലെ പ്രധാന ഓപ്ഷനുകളിൽ ഇവ കാണാമെന്നും, എന്നാൽ സാമ്പത്തിക വെളിപ്പെടുത്തലിന്റെ വ്യവസ്ഥകൾക്ക് വിധേയരായ ആളുകൾക്ക് മാത്രമേ ഈ ഡേറ്റ കാണിക്കൂവെന്നും യൂസിഫ് കാഥം വ്യക്തമാക്കി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F