April 28, 2024
April 28, 2024
കുവൈത്ത് സിറ്റി: കുവൈത്തില് ആശുപത്രികളിലെയും ആരോഗ്യ കേന്ദ്രങ്ങളിലെയും നഴ്സിംഗ് ജീവനക്കാര്ക്കുള്ള അലവന്സില് ആരോഗ്യ മന്ത്രാലയം ഭേദഗതി പ്രഖ്യാപിച്ചു. നഴ്സുമാരെ അവരുടെ ജോലിയിലെ പ്രകടനം മെച്ചപ്പെടുത്തുന്നതിനും തൊഴില് ആകര്ഷകമാക്കുന്നതിനും പ്രോത്സാഹിപ്പിക്കുന്നതിനും ലക്ഷ്യമിട്ടാണ് തീരുമാനം. അല്-അന്ബ ദിനപത്രമാണ് ഇക്കാര്യം റിപ്പോര്ട്ട് ചെയ്തത്.
പുതിയ ഭേദഗതികള്ക്ക് അനുസരിച്ച്, 'തൊഴില് സ്വഭാവം' അലവന്സ് ഭേദഗതിയില് കാറ്റഗറി 'സി' എന്ന വിഭാഗം നിര്ത്തലാക്കി, അതിന്റെ ഗുണഭോക്താക്കളെ 'ബി' വിഭാഗത്തിലേക്ക് മാറ്റി. ചില വിഭാഗങ്ങളെ 'ബി' ല് നിന്ന് 'എ' ലേക്ക് ഉയര്ത്തുകയും ചെയ്തു. കാറ്റഗറിയും ജോലിയുടെ സ്വഭാവവും അടിസ്ഥാനമാക്കി 30 മുതല് 50 ദിനാര് വരെയാണ് അലവന്സ് വര്ദ്ധിപ്പിച്ചത്. കുവൈത്ത് പൗരന്മാരും പ്രവാസികളും ഉള്പ്പെടെയുള്ള യോഗ്യരായ നഴ്സിംഗ് ജീവനക്കാര്ക്ക് പുതിയ ഭേദഗതിയുടെ ആനുകൂല്യം ലഭിക്കും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F