April 17, 2024
April 17, 2024
കുവൈത്ത് സിറ്റി: കുവൈത്തില്‍ നിന്നും യുഎഇയില്‍ നിന്നും നാടുകടത്തപ്പെട്ട പ്രവാസികളുടെ പ്രവേശനം തടയുന്നതുമായി ബന്ധപ്പെട്ട് ഇരുരാജ്യങ്ങളും ചര്‍ച്ച നടത്തി. ഉഭയകക്ഷി സുരക്ഷാ യോഗത്തില്‍, ഇരു രാജ്യങ്ങളും തമ്മിലുള്ള സഹകരണം ശക്തിപ്പെടുത്തുന്നതിനുള്ള വഴികളും ഇരുവരും ചര്‍ച്ച ചെയ്തു. കുവൈത്തിലെ ആഭ്യന്തര മന്ത്രാലയം അണ്ടര്‍ സെക്രട്ടറി ലെഫ്റ്റനന്റ് ജനറല്‍ ഷെയ്ഖ് സലേം അല്‍ നവാഫും യുഎഇ സുരക്ഷാ പ്രതിനിധി സംഘവും കൂടിക്കാഴ്ചയില്‍ പങ്കെടുത്തു.
നാടുകടത്തപ്പെട്ട പ്രവാസികള്‍ ഏതെങ്കിലും രാജ്യത്തേക്ക് വീണ്ടും പ്രവേശിക്കുന്നത് തടയുക ലക്ഷ്യമിട്ടാണ് യോഗം ചേര്‍ന്നത്. നാടുകടത്തപ്പെട്ട പ്രവാസികളുടെ പ്രവേശനം തടയാന്‍ ഇലക്ട്രോണിക് ലിങ്ക് ഉപയോഗിക്കും. ഇലക്ട്രോണിക് സുരക്ഷാ ലിങ്ക് വഴി ഇരു രാജ്യങ്ങളില്‍ നിന്നും നാടുകടത്തപ്പെട്ടവരുടെ പേര് വിവരങ്ങള്‍ കൈമാറുന്നതിനും പ്രചരിപ്പിക്കുന്നതിനുമുള്ള പദ്ധതികളും കൂടിക്കാഴ്ചയില്‍ ഇരുവരും ചര്‍ച്ചചെയ്തു.
വ്യാജ ലൈസന്‍സ് പ്ലേറ്റുകള്‍ നിര്‍മ്മിച്ചിട്ടുള്ള വ്യക്തികളെ തിരിച്ചറിയുന്നതിനും പിടികൂടുന്നതിനുമുള്ള സുരക്ഷാ ഏകോപനം മെച്ചപ്പെടുത്തേണ്ടതിന്റെ ആവശ്യകതയും യോഗത്തില്‍ ചര്‍ച്ചയായി.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
