July 19, 2020
July 19, 2020
കുവൈത്ത് സിറ്റി : നീണ്ട നാളത്തെ ആശങ്കകൾക്ക് അയവ് വരുത്തി കുവൈത്തിൽ നിന്നും ആശ്വാസ വാർത്തകൾ വന്നുതുടങ്ങി. ഞായറാഴ്ച പുതുതുതായി കോവിഡ് സ്ഥിരീകരിച്ചവരുടെ എണ്ണത്തേക്കാൾ ഇരട്ടിയിലധികം പേർക്ക് കോവിഡ് ഭേദമായതാണ് ആശ്വാസമാകുന്നത്. ഇന്ന് 667 പേർക്ക് കോവിഡ് ഭേദമായപ്പോൾ 300 പേർക്ക് മാത്രമാണ് പുതുതായി രോഗം സ്ഥിരീകരിച്ചത്. കഴിഞ്ഞ കുറെ ദിവസങ്ങളായി മരണ നിരക്കിലും തുടർച്ചയായ കുറവ് അനുഭവപ്പെടുന്നുണ്ട്. ഒരാൾ കൂടി മരിച്ചതോടെ രാജ്യത്തെ കോവിഡ് മരണസംഖ്യ 408 ആയി.
കുവൈത്തിൽ ഇതുവരെ 59,204 പേർക്കാണ് കോവിഡ് സ്ഥിരീകരിച്ചത്.ഇതിൽ 49,687 പേർ സുഖം പ്രാപിച്ചിട്ടുണ്ട്.നിലവിൽ 9,109 കോവിഡ് പോസറ്റിവ് കേസുകളാണ് കുവൈത്തിൽ ഉള്ളത്. ഇവരിൽ 132 പേർ തീവ്രപരിചരണ വിഭാഗത്തിലാണ്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക