July 17, 2022
July 17, 2022
കോഴിക്കോട്: കരിപ്പൂരില് നിന്ന് ദുബായിലേക്ക് പുറപ്പെട്ട എയര് ഇന്ത്യ എക്പ്രസ് വിമാനം അടിയന്തിരമായി മസ്ക്കത്തില് ഇറക്കി.
ഫോര്വേഡ് ഗ്യാലിയില് നിന്ന് കത്തിയ മണം വന്നതിനെ തുടര്ന്നാണ് അടിയന്തര ലാൻഡിങ് നടത്തിയതെന്ന് ഡിജിസിഎ അറിയിച്ചു.അതേസമയം,എന്ജിനില് നിന്നോ എപിയുവില് നിന്നോ പുക ഉയരുന്നതായി കണ്ടെത്തിയിട്ടില്ലെന്ന് അധികൃതര് വ്യക്തമാക്കി.
എയര് ഇന്ത്യ എക്സ്പ്രസ് IX355 വിമാനത്തിന്റെ ഉള്ളിലാണ് ഗന്ധമുയര്ന്നത്. ഇന്ധനത്തിന്റെയോ ഓയിലിന്റെ ഗന്ധമല്ല ഉണ്ടായതെന്നും അധികൃതര് അറിയിച്ചു.
ഇന്ന് രണ്ടാമത്തെ ഇന്ത്യന് വിമാനമാണ് സാങ്കേതിക തകരാറിനെ തുടര്ന്ന് വഴിതിരിച്ചുവിടുന്നത്. രാവിലെ ഷാര്ജയില് നിന്ന് ഹൈദരാബാദിലേക്ക് പുറപ്പെട്ട ഇന്റിഗോ വിമാനം എന്ജിന് തകരാറിനെ തുടര്ന്ന് പാകിസ്ഥാനില് കറാച്ചിയില് ഇറക്കിയിരുന്നു.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക