December 09, 2021
December 09, 2021
ദുബായ് : അച്ഛനോടൊപ്പം പാർക്കിൽ നടക്കാൻ പോയ മലയാളി യുവാവിനെ കഴിഞ്ഞ രണ്ടു ദിവസങ്ങളായി കാണാനില്ലെന്ന് പരാതി. തൃശൂർ അയ്യന്തോൾ സ്വദേശി ശ്രീമഞ്ജുഷയിൽ സത്യന്റെയും മഞ്ജുവിന്റെയും മകൻ മനീഷ് സത്യനെയാണ് (24) കാണാതായത്. ദുബായ് റാഷിദിയക്കടുത്തുള്ള നാദ് അൽ ഷമ്മ പാർക്കിൽ അച്ഛൻ സത്യനോടൊപ്പം ഇക്കഴിഞ്ഞ 6 ന് വൈകിട്ട് നടക്കാനിറങ്ങിയതായിരുന്നു. ഇരുവരും രണ്ട് റൗണ്ട് നടന്ന ശേഷം, അൽപം വിശ്രമിക്കാൻ ബഞ്ചിൽ ഇരിക്കുകയായിരുന്ന മനീഷിനെ അച്ഛൻ തിരച്ചെത്തിയപ്പോൾ കാണാതാവുകയായിരുന്നു.
യാത്ര ഇഷ്ടപ്പെടുന്ന മനീഷ് കാണാതാകുമ്പോൾ പച്ചയും നീലയും നിറത്തിലുള്ള ഷർട്ടും കറുത്ത പാന്റുമാണ് ധരിച്ചിരുന്നത്. പൊലീസിൽ പരാതി നൽകിയിട്ടുണ്ട്. മനീഷിനെ കണ്ടുകിട്ടുന്നവർ 052 5728848 (സത്യൻ) എന്ന നമ്പറിലോ ഏറ്റവും അടുത്തുള്ള പൊലീസ് സ്റ്റേഷനിലോ അറിയിക്കണമെന്ന് ബന്ധുക്കൾ അഭ്യർഥിച്ചു
ന്യൂസ്‌റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്‌റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക
