February 04, 2022
February 04, 2022
അബുദാബി : കണ്ണടച്ചു തുറക്കും മുൻപ് കോടിപതി ആയതിന്റെ അമ്പരപ്പിലാണ് തൃശൂർ ജില്ലയിലെ ചാവക്കാട് അഞ്ചങ്ങാടി സ്വദേശിനി ലീന ജലാൽ. ഒൻപത് സുഹൃത്തുക്കളുമായി ചേർന്ന് ജനുവരി 27 ന് ലീന വാങ്ങിയ ടിക്കറ്റിനാണ് ഇക്കുറി ഒന്നാം സമ്മാനം. കഴിഞ്ഞ ഒരു വർഷമായി ലോട്ടറി എടുക്കുന്ന ലീനയും സുഹൃത്തുക്കളും, ഇതാദ്യമായാണ് ലീനയുടെ പേരിൽ ടിക്കറ്റ് വാങ്ങുന്നത്.
നാല് വർഷമായി അബുദാബിയിലെ ഷോയ്‌ഡർ പ്രോജക്ട് ഇലക്രോണിക് മെക്കാനിക്കൽ എൽഎസിഎച്ച്ആർ ഉദ്യോഗസ്ഥയായി ജോലി ചെയ്യുകയാണ് ലീന. ബിഗ് ടിക്കറ്റ് ഹോസ്റ്റായ റിച്ചാർഡ് വിജയവിവരം പറയാനായി ഫോണിൽ ബന്ധപ്പെട്ടപ്പോൾ, പറ്റിക്കുകയാണെന്നാണ് കരുതിയത് എന്നാണ് ലീന പ്രതികരിച്ചത്. നറുക്കെടുപ്പിലെ മറ്റ് സമ്മാനങ്ങൾക്കും ഇന്ത്യക്കാർ തന്നെയാണ് അർഹരായത്.
