March 10, 2022
March 10, 2022
അബുദാബി : സൗദിയിലും അബുദാബിയിലുമായി 33 വർഷം പ്രവാസജീവിതം നയിച്ച മലയാളി, അബുദാബിയിൽ കോവിഡ് ബാധിച്ചു മരിച്ചു. തിരുവനന്തപുരം ജില്ലയിലെ കമലേശ്വരം വലിയ വീട് ലൈനിൽ നാസർ ഖാനാണ് മരിച്ചത്. 58 വയസായിരുന്നു.
കരൾരോഗത്തിന് ചികിത്സയിൽ കഴിയവെയാണ് നാസർ ഖാനെ കോവിഡ് ബാധിച്ചത്. യു.എ.ഇ സൗദി അതിർത്തിയിലെ ഗയാത്തിയിൽ സൂപ്പർ മാർക്കറ്റ് നടത്തിവരികയായിരുന്നു. നടപടികൾക്ക് ശേഷം മൃതദേഹം യു.എ.ഇ.യിലെ ബനിയാസ് ഖബർസ്ഥാനിൽ ഖബറടക്കി.
ഭാര്യ : സബില
മക്കൾ : ഫാത്തിമ നൗഫിയ, ഫാത്തിഹ