April 16, 2022
April 16, 2022
ദുബായ് : അവധിക്കാലം ആഘോഷിക്കാനായി സന്ദർശകവിസയിൽ ദുബായിൽ എത്തിയ തിരുവനന്തപുരം സ്വദേശിനി ഹൃദയാഘാതം മൂലം മരിച്ചു. ആറ്റിങ്ങൽ മണമ്പൂർ നീറുവിള തൊട്ടികല്ലിൽ സ്വദേശി അഭിലാഷ് ശ്രീകണ്ഠന്റെ ഭാര്യ പ്രിജിയാണ് മരിച്ചത്. 38 വയസായിരുന്നു. ഭർത്താവ് അഭിലാഷ് മണമ്പൂർ പ്രവാസി കൂട്ടായ്മയുടെ ട്രഷററാണ്.
കഴിഞ്ഞ മാസം പതിനഞ്ചാം തിയ്യതിയാണ് രണ്ട് മക്കളോടൊപ്പം പ്രിജി നാട്ടിൽ നിന്നും എത്തിയത്. ഇന്നലെ രാവിലെ, ജബൽ അലി ഡിസ്കവറി ഗാർഡനിലുള്ള ഫ്ലാറ്റിൽ വെച്ചാണ് ഹൃദയാഘാതം ഉണ്ടായത്. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. വലിയവിള കൊടുവാഴനൂർ പുളിമാത്ത് ശങ്കരൻ - ഗീത ദമ്പതികളുടെ മകളാണ്. നടപടിക്രമങ്ങൾ പൂർത്തിയാക്കിയ ശേഷം മൃതദേഹം നാട്ടിലെത്തിക്കുമെന്ന് ബന്ധുക്കൾ അറിയിച്ചു.