October 17, 2021
October 17, 2021
ദോഹ : ഖത്തറിലെ സാംസ്കാരിക പൈതൃക കേന്ദ്രമായ "ഖത്താറ" സംഘടിപ്പിക്കുന്ന കരകൗശലവസ്തുക്കളുടെ മേള ആരംഭിച്ചു. "ഖത്ത് ആർട്ട് മേക്കേഴ്സ് മാർക്കറ്റ്" എന്ന് പേരിട്ടിരിക്കുന്ന മേള ഖത്താറ പൈതൃകഗ്രാമത്തിലെ നമ്പർ 19 ബിൽഡിങ്ങിലാണ് അരങ്ങേറുന്നത്. എല്ലാ മാസവും തിരഞ്ഞെടുത്ത ഒരു വെള്ളിയാഴ്ച ഉച്ചയ്ക്ക് 3 മണിമുതൽ 8 മണിവരെയാണ് മേള നടക്കുക.
പതിനഞ്ചോളം ഖത്തറി കലാകാരന്മാരും, നിരവധി പ്രവാസി കലാകാരന്മാരുമാണ് മേളയിൽ തങ്ങളുടെ സൃഷ്ടികൾ പ്രദർശിപ്പിക്കുന്നത്. കരകൗശലവസ്തുക്കൾ, ആഭരണങ്ങൾ, ഫർണിച്ചറുകൾ, ചിത്രങ്ങൾ, ബാഗുകൾ, വിവിധ അലങ്കാരവസ്തുക്കൾ എന്നിവയാണ് മേളയിലുള്ളത്. പൊതുജനങ്ങൾക്ക് കലാസൃഷ്ടികൾ സ്വന്തമാക്കാനുള്ള അവസരമൊരുക്കാനാണ് ഖത്താറ ഇതുവഴി ലക്ഷ്യമിടുന്നത്.