December 18, 2021
December 18, 2021
ദുബായ് : കഴിഞ്ഞ ദിവസം റാസൽഖൈമയിൽ താമസ സ്ഥലത്ത് മരിച്ച നിലയിൽ കണ്ടെത്തിയ കാസര്കോട് നീലേശ്വരം കണിച്ചിറ സ്വദേശി ഷാഹിദി(23)ന്റെ മൃതദേഹം നാട്ടിലെത്തിക്കാൻ ശ്രമം തുടരുന്നു.ഒരു വര്ഷമായി റാസല്ഖൈമയിലെ സൂപ്പര് മാര്ക്കറ്റില് ജോലി ചെയ്ത് വരികയായിരുന്ന ഷാഹിദിനെ വ്യാഴാഴ്ചയാണ് താമസിക്കുന്ന മുറിയിൽ മരിച്ച നിലയിൽ കണ്ടെത്തിയത്.
ഷാഹിദ് ഉൾപെടെ ഏഴുപേരാണ് മുറിയിൽ താമസിച്ചിരുന്നത്.മറ്റുള്ളവർ പുറത്തുപോയി മുറിയിൽ തിരിച്ചെത്തിയപ്പോഴാണ് മരിച്ച നിലയിൽ കണ്ടത്.പോസ്റ്റുമോർട്ടം ഉൾപെടെയുള്ള നടപടിക്രമങ്ങൾ പൂർത്തിയാക്കി മൃതദേഹം രണ്ടു ദിവസത്തിനകം നാട്ടിലെത്തിക്കാനുള്ള ശ്രമങ്ങൾ പുരോഗമിക്കുകയാണ്.പോസ്റ്റ്മോർട്ടത്തിന് ശേഷമേ മരണകാരണം വ്യക്തമാവുകയുള്ളൂ.
നീലേശ്വരം മാർക്കറ്റ് ജങ്ഷനിലെ ഓട്ടോറിക്ഷാ ഡ്രൈവർ അബ്ദുൾറസാഖിന്റെയും താഹിറയുടെയും മകനാണ്.സഹോദരങ്ങള്: ഷഫീഖ്(ദുബൈ), ഷമീല്, ഷബീര്(മത്സ്യത്തൊഴിലാളി), ഷംസാദ്. മൃതദേഹം റാസല്ഖൈമ ഉബൈദുല്ല ആശുപത്രി മോര്ച്ചറിയില് സൂക്ഷിച്ചിരിക്കുകയാണ്.
ഗൾഫിലെ പ്രധാന വാർത്തകൾ വാട്സപ്പിൽ ലഭിക്കാനും പരസ്യങ്ങൾ നൽകാനും ബന്ധപ്പെടുക: +974 33450 597