December 17, 2018
December 17, 2018
ദോഹ: ഖത്തർ ദേശീയ ദിനത്തിൽ ആഭ്യന്തര മന്ത്രാലയവുമായി സഹകരിച്ചു ഖത്തർ വിപുലമായ ആഘോഷ പരിപാടികൾ സംഘടിപ്പിക്കും. നാളെ ഉച്ചക്ക് രണ്ടു മുതൽ രാത്രി 9 വരെ വക്ര സ്റ്റേഡിയത്തിലാണ് ഖത്തർ കെ.എം.സി.സിയുടെ ആഘോഷ പരിപാടികൾ നടക്കുക. രണ്ടു മണിക്ക് ഘോഷയാത്ര ആരംഭിക്കും. ഇന്തോ - ഖത്തർ ബന്ധത്തെ സൂചിപ്പിക്കുന്ന വിവിധ പരിപാടികൾ ഘോഷയാത്രയിൽ അണിനിരക്കും. കെ.എം.സി.സി ഭാരവാഹികൾക്ക് പുറമെ ഖത്തറിലെ വിവിധ ഇന്ത്യൻ സംഘടനകളുടെ പ്രതിനിധികളും ഘോഷയാത്രയിൽ പങ്കെടുക്കും.
വൈകീട്ട് 5 ന് വക്ര സ്റ്റേഡിയത്തിലെ ഇൻഡോർ ഹാളിൽ നടക്കുന്ന സാംസ്‌കാരിക സമ്മേളനത്തിൽ ഇന്തോ - അറബ് ബന്ധത്തെ കുറിച്ച് അബ്ദുസമദ് സമദാനി എം.പി സംസാരിക്കും. മുസ്‌ലിം ലീഗ് നേതാക്കളായ പാണക്കാട് സാദിഖലി ശിഹാബ് തങ്ങൾ, എം.പി മാരായ പി.കെ കുഞ്ഞാലിക്കുട്ടി,പി.വി അബ്ദുൽ വഹാബ്,ആബിദ് ഹുസൈൻ തങ്ങൾ എം.എൽ.എ എന്നിവർ പ്രസംഗിക്കും. കെ.എം.സി.സിയുടെ കലാ- സാംസ്‌കാരിക വിഭാഗമായ സമീക്ഷ വിവിധ കലാപരിപാടികൾ അവതരിപ്പിക്കും.
വാർത്താ സമ്മേളനത്തിൽ കെ.എം.സി.സി ഭാരവാഹികളായ എസ്.എ.എം ബഷീർ, സലിം നാലകത്ത്,എം.പി ഷാഫി ഹാജി, പി.കെ അബ്ദുല്ല.കെ.പി മുഹമ്മദ് അലി, തായമ്പത്ത് കുഞ്ഞാലി, സലാം വീട്ടിക്കൽ, ഡി.എച്.സി ഗ്രൂപ് പ്രതിനിധി ടോണി എബ്രഹാം തുടങ്ങിയവർ പങ്കെടുത്തു
