July 04, 2021
July 04, 2021
ദുബൈ:സഊദിയിലെ ജിദ്ദയില്‍നിന്ന് യു.എ.ഇയിലേക്ക് പോയ ഇസ്രായേല്‍ന്റെ കൂടി ഉടമസ്ഥതയിലുള്ള കപ്പലിനു നേര്‍ക്കുണ്ടായ ആക്രമണത്തിനു പിന്നില്‍ ഇറാനാണെന്ന് സംശയിക്കുന്നതായി ഇസ്രായേല്‍. സംഭവത്തില്‍ ഇറാന്‍ സേനകളുടെ പങ്കുണ്ടോയെന്ന് പരിശോധിക്കുകയാണെന്ന് ഇസ്രായേല്‍പ്രതിരോധ ഉദ്യോഗസ്ഥര്‍ പറഞ്ഞു. എന്‍12 ടെലിവിഷന്‍ ന്യൂസാണ് ഇക്കാര്യം റിപ്പോര്‍ട്ട് ചെയ്തത്.മിസൈല്‍ പതിച്ചെങ്കിലും കപ്പലിനു കാര്യമായ കേടുപാടുകളില്ല. ജീവനക്കാര്‍ക്കും പരുക്കേറ്റിട്ടില്ല. അതിനാല്‍ ആക്രമണത്തിനുശേഷവും കപ്പല്‍ യാത്ര തുടരുകയാണുണ്ടായത്. ഇസ്രായേല്‍ വ്യവസായിയുടേതാണ് കപ്പലെന്നും ശനിയാഴ്ച ഇന്ത്യന്‍ മഹാസമുദ്രത്തില്‍ വച്ചാണ് ആക്രമണമുണ്ടായതെന്നും ഇസ്രായേല്‍ മാധ്യമങ്ങള്‍ റിപ്പോര്‍ട്ട് ചെയ്തു.
