September 24, 2021
September 24, 2021
ഫ്രാൻസിസ് മാർപ്പാപ്പയുടെ ചിത്രങ്ങൾ അടങ്ങിയ സ്റ്റാമ്പുകൾ പുറത്തിറക്കി ഇറാഖ്. ഈ വർഷമാദ്യം രാജ്യം സന്ദർശിച്ച മാർപ്പാപ്പയോടുള്ള ആദരസൂചകമായാണ് വിവിധ ചിത്രങ്ങൾ ഉൾക്കൊള്ളിച്ചുകൊണ്ട് അയ്യായിരത്തോളം സ്റ്റാമ്പുകൾ പുറത്തിറക്കിയത്. വാർത്താവിനിമയ മന്ത്രാലയം പുറത്തിറക്കിയ ഈ സ്റ്റാമ്പുകളിൽ ഷിയാ നേതാവ് അലി സിസ്താനിക്കൊപ്പം മാർപ്പാപ്പ നിൽക്കുന്ന ചിത്രങ്ങളും ഉണ്ട്.
കഴിഞ്ഞ മാർച്ചിലാണ് മൂന്ന് ദിവസം നീണ്ടുനിന്ന സന്ദർശനത്തിനായി മാർപ്പാപ്പ ഇറാഖിലെത്തിയത്. ഇറാഖ് സന്ദർശിക്കുന്ന ആദ്യത്തെ മാർപ്പാപ്പ എന്ന വിശേഷണവും ഇതോടെ ഫ്രാൻസിന് മാർപാപ്പ സ്വന്തമാക്കിയിരുന്നു. വിവിധ മതപണ്ഡിതരുമായും, രാഷ്ട്രീയരംഗത്തെ നേതാക്കളുമായും കൂടിക്കാഴ്ച നടത്തിയ മാർപ്പാപ്പ സംഘർഷങ്ങൾ ഒഴിവാക്കാൻ ശ്രമിക്കണമെന്ന് അഭിപ്രായപ്പെടുകയും ചെയ്തിരുന്നു.