September 19, 2021
September 19, 2021
കോവിഡ് പ്രതിസന്ധി കാരണം പാതിയിൽ മുടങ്ങിയ ഇന്ത്യൻ പ്രീമിയർ ലീഗിന്റെ പതിനാലാം പതിപ്പ് ഇന്ന് പുനരാരംഭിക്കും. ഇന്ത്യൻ സമയം രാത്രി 7:30 ന് ആരംഭിക്കുന്ന മത്സരത്തിൽ നിലവിലെ ചാമ്പ്യന്മാരായ മുംബൈ ഇന്ത്യൻസ് കരുത്തരായ ചെന്നൈ സൂപ്പർകിങ്സുമായി കൊമ്പുകോർക്കും. ദുബായ് ഇന്റർനാഷണൽ ക്രിക്കറ്റ് സ്റ്റേഡിയത്തിലാണ് മത്സരം.
ഹാട്രിക്ക് കിരീടം ലക്ഷ്യമിടുന്ന മുംബൈ നിലവിൽ പോയിന്റ് ടേബിളിൽ നാലാം സ്ഥാനത്താണ്. മുൻ ഇന്ത്യൻ നായകൻ ധോണിക്ക് കീഴിലിറങ്ങുന്ന ചെന്നൈ മികച്ച ഫോമിലായതിനാൽ വീറുറ്റ പോരാട്ടമാവും കാണികളെ കാത്തിരിക്കുന്നത്. സ്പിന്നിനെയും പേസിനെയും ഒരുപോലെ പിന്തുണക്കുന്ന പിച്ചിൽ ടോസ് നേടുന്ന ടീം ബാറ്റിംഗ് തിരഞ്ഞെടുത്തേക്കും.