July 14, 2023
July 14, 2023
ന്യൂസ്റൂം ബ്യുറോ
ദുബായ് :2023 ന്റെ രണ്ടാം പാദത്തില് ദുബായ് റിയല് എസ്റ്റേറ്റ് വിപണിയിൽ ഏറ്റവും കൂടുതൽ നിക്ഷേപകർ ഇന്ത്യക്കാരാണെന്ന് റിപ്പോർട്ട്.
ബെറ്റര് ഹോംസ് അടുത്തിടെ നടത്തിയ പഠനത്തിലാണ് ഇക്കാര്യം പറയുന്നത്. 2023-ന്റെ ആദ്യ പാദത്തില് ഇന്ത്യക്കാര് ബ്രിട്ടീഷുകാരെ പിന്തള്ളി ഒന്നാമതെത്തുകയായിരുന്നു.
മഹാമാരിക്കു ശേഷമുള്ള കാലഘട്ടത്തില് ഇന്ത്യന് ഉപഭൂഖണ്ഡം, യൂറോപ്പ്, മറ്റ് പ്രദേശങ്ങള് എന്നിവിടങ്ങളില് നിന്ന് ഉയര്ന്ന മൂല്യമുള്ള വ്യക്തികളുടെ ഒരു വലിയ പ്രവാഹത്തിന് ദുബായ് സാക്ഷ്യം വഹിച്ചു. ഈ വര്ഷം മാത്രം 4,500 കോടീശ്വരന്മാരെ യു എ ഇ ആകര്ഷിക്കുമെന്ന് കണക്കാക്കപ്പെടുന്നു. ഇത് ആസ്ത്രേലിയ കഴിഞ്ഞാല് ഏറ്റവും ഉയര്ന്ന രണ്ടാമത്തെ ഉയർന്ന ശതമാനകണക്കാണ്.
കഴിഞ്ഞ വര്ഷം, 5,200 കോടീശ്വരന്മാര് യു എ ഇയിലേക്ക് കുടിയേറി. ഏതൊരു രാജ്യത്തേക്കും വലിയ സമ്പത്തുള്ള വ്യക്തികളുടെ കുടിയേറ്റത്തിന്റെ ഉയര്ന്ന നിരക്ക് പ്രാദേശിക റിയല് എസ്റ്റേറ്റിന്റെ ഉയര്ന്ന ഡിമാന്ഡിലേക്കും റെക്കോര്ഡ് വില നിലവാരത്തിലേക്കും നയിച്ചുവെന്ന് പഠനം വ്യക്തമാക്കുന്നു.
ഇന്ത്യ, യുനൈറ്റഡ് കിങ്ഡം, റഷ്യ എന്നിവക്കു പുറമേ, ഈജിപ്ത്, യു എ ഇ, തുര്ക്കി, പാക്കിസ്ഥാന്, ഇറ്റലി, ലെബനാന്, ഫ്രാന്സ് എന്നിവിടങ്ങളില് നിന്നുള്ളവരാണ് എമിറേറ്റിലെ റിയല് എസ്റ്റേറ്റ് നിക്ഷേപകരില് ആദ്യ പത്ത് പട്ടികയില് ഇടം നേടിയതെന്ന് ബെറ്റര് ഹോംസ് വ്യക്തമാക്കി.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക https://chat.whatsapp.com/FZrPbBIed7U4lm5VsQzYgH