October 04, 2021
October 04, 2021
ദുബൈ: സൗഹൃദ മത്സരത്തില് യു.എ.ഇക്കെതിരെ ഇന്ത്യക്ക് മികച്ച വിജയം. 4- 1 നാണ് ഇന്ത്യൻ വനിതകൾ യു.എ.ഇയെ തളച്ചത്. . ദുബൈ സിയബ് അവാന സ്റ്റേഡിയത്തില് നടന്ന മത്സരത്തില് ഇരുപതാം മിനുട്ടിൽ മനീഷ കല്യാണിലൂടെയാണ് ഇന്ത്യ ഗോള്വേട്ട തുടങ്ങിയത്. ഏഴ് മിനിറ്റ് കഴിഞ്ഞപ്പോള് പ്യാരി സാസാ വീണ്ടും വല കുലുക്കി. 41ാം മിനിറ്റില് സ്വീറ്റീ ദേവിയും 75ാം മിനിറ്റില് അഞ്ജു താമയും ഇന്ത്യയുടെ ഗോള്പട്ടിക തികച്ചു. അഞ്ചര മാസത്തിനു ശേഷം മൈതാനത്തിറങ്ങിയ ഇന്ത്യയുടെ ഈ വര്ഷത്തെ ആദ്യ ജയമാണിത്. ഈ വര്ഷം കളിച്ച അഞ്ചു മത്സരങ്ങളിലും ഇന്ത്യ പരാജയം നുണഞ്ഞിരുന്നു. ജനുവരിയില് ഇന്ത്യയില് നടക്കുന്ന ഏഷ്യന് കപ്പിന് മുന്നോടിയായാണ് സൗഹൃദ മത്സരത്തിനിറങ്ങിയത്. തിങ്കളാഴ്ച നടക്കുന്ന മത്സരത്തില് ഇന്ത്യ തുനീഷ്യയെ നേരിടും. ബഹ്റൈന്, ചൈനീസ് തായ്പേയ് ടീമുകള്ക്കെതിരെയും ഇന്ത്യ സൗഹൃദ മത്സരം നടത്തും. അടച്ചിട്ട സ്റ്റേഡിയത്തിലാണ് മത്സരം നടക്കുന്നത്.
ന്യൂസ്റൂം വാർത്തകൾ മുടങ്ങാതെ ലഭിക്കാൻ ഗൂഗ്ൾ പ്ളേ/ ആപ്പിൾ സ്റ്റോറിൽ നിന്ന് newsroom connect App ഡൗൺലോഡ് ചെയ്യുക.