October 24, 2021
October 24, 2021
ദുബായ് : ലോകം കാത്തിരിക്കുന്ന ക്രിക്കറ്റിലെ ആവേശ പോരാട്ടം ഇന്ന്. ട്വന്റി 20 ലോകകപ്പില്‍ ഇന്ന് രാത്രി ഏഴരയ്ക്ക് ദുബായിലാണ് ഇന്ത്യാ-പാകിസ്ഥാന്‍ പോരാട്ടം .
ഏറെകാലത്തിന് ശേഷമാണ് ഇന്ത്യയും പാകിസ്താനും ക്രിക്കറ്റില്‍ നേര്‍ക്കുനേര്‍ വരുന്നത്. ഇന്ത്യയിലേയും പാകിസ്താനിലേയും മുന്‍താരങ്ങളുടെ വാക്പോരിനിടെയാണ് ടി20 ക്രിക്കറ്റിലെ മികച്ച പോരാട്ടം നടക്കുന്നത്. ടിക്കറ്റ് വില്‍പന തുടങ്ങിയ അന്നുതന്നെ ഇന്ത്യ പാക് മത്സരത്തിന്റെ ടിക്കറ്റുകള്‍ വിറ്റു തീര്‍ന്നിരുന്നു.
ചിരവൈരികളായ പാകിസ്താനുമായുള്ള മത്സരത്തില്‍ ചരിത്രം ഇന്ത്യക്കൊപ്പമാണ്. ട്വന്റി 20 ലോകകപ്പില്‍ അഞ്ച് തവണ ഏറ്റുമുട്ടിയപ്പോഴും വിജയം ഇന്ത്യക്കൊപ്പമായിരുന്നു. പ്രഥമ ട്വന്റി 20 ലോകകപ്പിന്റെ കലാശപ്പോരില്‍ ഇന്ത്യ കിരീടം നേടിയതും പാകിസ്താനെ തോല്‍പ്പിച്ചായിരുന്നു.
റാങ്കിങില്‍ മൂന്നാം സ്ഥാനത്തുള്ള പാകിസ്ഥാനെക്കാള്‍ ഒരു പടി മുകളിലാണ് ഇന്ത്യ. ടി20യില്‍ അഞ്ചും ഏകദിന ലോകകപ്പുകളില്‍ ഏഴും തവണ ഇരുടീമുകളും കൊമ്ബു കോര്‍ത്തിട്ടുള്ളത്. ടി20 ഏകദിന ലോകകപ്പുകളിലായി 12 തവണ ഏറ്റുമുട്ടിയപ്പോഴും ജയം ഇന്ത്യക്കൊപ്പമായിരുന്നു.
ഇത്തവണയും മികച്ച പ്രതീക്ഷയിലാണ് ഇന്ത്യയും. സന്നാഹ മത്സരത്തില്‍ രണ്ടിലും മികച്ച ജയം സ്വന്തമാക്കിയ ഇന്ത്യ ഇന്നത്തെ ഇന്നത്തെ മത്സരം അനായാസം സ്വന്തമാക്കാമെന്ന പ്രതീക്ഷയിലാണ്.
ഒരു ഖത്തർ റിയാലിന്റെ ഇന്നത്തെ വിനിമയ നിരക്ക് സിറ്റി എക്സ്ചേഞ്ചിൽ 20.40 മൊബൈൽ ആപ് 20.44
