July 17, 2022
July 17, 2022
ഷാർജ : ഹൈദരാബാദിൽ നിന്നും ഷാർജയിലേക്ക് പോകേണ്ടിയിരുന്ന ഇൻഡിഗോ വിമാനം സാങ്കേതിക തകരാറിനെ തുടർന്ന് പാക്കിസ്ഥാനിലെ കറാച്ചി വിമാനത്താവളത്തിൽ ഇറക്കി.ഇന്ത്യയിലെ പ്രാദേശിക മാധ്യമങ്ങളാണ് ഇക്കാര്യം റിപ്പോർട്ട് ചെയ്തത്. രണ്ടാഴ്ചയ്ക്കിടെ ഇത് രണ്ടാം തവണയാണ് ഇന്ത്യൻ വിമാനം പാക്കിസ്ഥാനിൽ അടിയന്തരമായി നിലത്തിറക്കുന്നത്.
സാങ്കേതിക തകരാർ പൈലറ്റിന്റെ ശ്രദ്ധയിൽ പെട്ടതിനെ തുടർന്ന് വിമാനം വഴിതിരിച്ചു വിടുകയായിരുന്നുവെന്ന് എയർലൈൻസിനെ ഉദ്ധരിച്ച് എ.എൻ.ഐ റിപ്പോർട്ട് ചെയ്തു.യാത്രക്കാരെ ഹൈദരാബാദിലേക്ക് തിരികെ കൊണ്ടുവരുന്നതിനായി ഇൻഡിഗോ കറാച്ചിയിലേക്ക് മറ്റൊരു വിമാനം ഏർപ്പെടുത്തിയതായും റിപ്പോർട്ടിൽ പറയുന്നു.അതേസമയം,ഇൻഡിഗോയുടെ നടത്തിപ്പുകാരായ ഇന്റർഗ്ലോബ് ഏവിയേഷൻ ലിമിറ്റഡ്, സംഭവത്തിൽ ഇതേവരെ പ്രതികരണം അറിയിച്ചിട്ടില്ല.
ജൂലൈ 5 ന് ന്യൂഡൽഹിയിൽ നിന്ന് ദുബായിലേക്കുള്ള സ്പൈസ് ജെറ്റിന്റെ ബോയിംഗ് 737 വിമാനം ഇന്ധന ഇൻഡിക്കേറ്റർ ലൈറ്റിന്റെ തകരാർ കാരണം കറാച്ചിയിൽ അടിയന്തരമായി നിലത്തിറക്കിയിരുന്നു.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക