May 05, 2022
May 05, 2022
ദോഹ : മുൻ പാർലമെന്റ് അംഗവും ഐ.എൻ.എൽ സ്ഥാപക പ്രസിഡൻ്റുമായിരുന്ന ഇബ്രാഹിം സുലൈമാൻ സേട്ടുവിൻ്റെ പേരിൽ ജിസിസി ഐ.എം.സി.സി കലാ-സാംസ്കാരിക വിഭാഗം നടത്തി മെഹബൂബെ മില്ലത്ത് ഓൺലൈൻ ക്വിസ് മത്സര വിജയികളെ പ്രഖ്യാപിച്ചു.നിരവധി മത്സരാർത്ഥികളിൽ നിന്ന് നറുക്കെടുപ്പിലൂടെയാണ് വിജയികളെ തെരഞ്ഞെടുത്തത്.ഷിറിൻ അലി ഒന്നാം സ്ഥാനവും ഫാതിമ ബി.കെ രണ്ടാം സ്ഥാനവും നഫീസ സി.എ.മൂന്നാം സ്ഥാനവും നേടി.മൂന്നു പേരും കാസർകോട് സ്വദേശികളാണ്.
വിജയികൾക്കുള്ള ക്യാഷ് അവാർഡും സർട്ടിഫിക്കറ്റും നാട്ടിൽ നടക്കുന്ന പരിപാടിയിൽ വിതരണം ചെയ്യുമെന്ന് ഐ.എം.സി.സി ജിസിസി ജനറൽ കൺവീനർ പി.പി.സുബൈറും ആർട്സ് & കൾച്ചറൽ വിങ്ങ് കോഓർഡിനേറ്റർ നൗഫൽ നടുവട്ടവും അറിയിച്ചു.
പരിപാടിയിൽ പങ്കെടുത്ത മുഴുവൻ മത്സരാർത്ഥികളെയും ജിസിസി കമ്മറ്റി അഭിനന്ദിച്ചു.
ന്യൂസ്റൂം വാർത്തകൾ ലഭിക്കാൻ ഈ ലിങ്കിൽ(https://www.facebook.com/groups/Newsroomclub) ക്ലിക്ക് ചെയ്ത് ന്യൂസ്റൂം എഫ്.ബി പേജിൽ അംഗമാവുക.വാട്സ്ആപ്പിൽ വാർത്തകൾ ലഭിക്കാൻ 00974 33450597 വാട്സ്ആപ് നമ്പറിൽ സന്ദേശമയക്കുക