January 31, 2022
January 31, 2022
ദോഹ : ഖത്തറി പൗരന്റെ വെടിയേറ്റ് കൊല്ലപ്പെട്ട സെക്യൂരിറ്റി ഗാർഡ് ശ്രീലങ്കൻ പൗരൻ അല്ലെന്ന് സ്ഥിരീകരണം. വിദേശത്തേക്ക് തൊഴിലാളികളെ ഏർപ്പാടാക്കുന്ന ശ്രീലങ്കൻ ബ്യൂറോയാണ് ഇക്കാര്യത്തിൽ വിശദീകരണം നൽകിയത്. കൊല്ലപ്പെട്ടയാൾ ശ്രീലങ്കൻ പൗരനല്ല എന്ന് ഖത്തർ പോലീസും അറിയിച്ചതായി ബ്യൂറോ അധികൃതർ കൂട്ടിച്ചേർത്തു.
ശ്രീലങ്കൻ എംബസിയിലെ മുതിർന്ന ഉദ്യോഗസ്ഥനായ കീർത്തി മുത്തുകുമാരന, പോലീസ് സ്റ്റേഷനിൽ നേരിട്ടെത്തി അന്വേഷണം നടത്തിയിരുന്നു. പിന്നാലെ, സംഭവം ഉണ്ടായ പ്രദേശത്തെ ഹോസ്പിറ്റൽ മോർച്ചറിയിലും ശ്രീലങ്കൻ സംഘമെത്തി. ഈ പരിശോധനകൾക്ക് ശേഷമാണ് ശ്രീലങ്കൻ വൃത്തങ്ങൾ തങ്ങളുടെ പൗരനല്ല കൊല്ലപ്പെട്ടത് എന്നുറപ്പിച്ചത്. അതേസമയം, ഏത് രാജ്യത്ത് നിന്നുള്ള സെക്യൂരിറ്റി ഗാർഡാണ്‌ കൊല്ലപ്പെട്ടത് എന്ന കാര്യത്തിൽ ഇപ്പോഴും അവ്യക്തത നിലനിൽക്കുകയാണ്.
