June 16, 2021
June 16, 2021
ദുബൈ: യു.എ.ഇയില്‍ ഏജന്റിന്റെ ചതിയില്‍ പെട്ട ഇന്ത്യന്‍ തൊഴിലാളികള്‍ ദുരിതത്തില്‍. എട്ടോളം തൊഴിലാളികളാണ് ജോലിയോ പാസ്‌പോര്‍ട്ടോ ലഭിക്കാതെ വഞ്ചനയില്‍ പെട്ടിരിക്കുന്നത്. നാട്ടിലേക്കു മടങ്ങാനോ എന്തെങ്കിലും ജോലിയില്‍ ഏര്‍പ്പെടാനോ സാധിക്കാത്ത അവസ്ഥയിലാണിവര്‍. ഇവരുടെ ദുരിതാവസ്ഥ മനസിലാക്കിയ ദുബൈയിലെ ഇന്ത്യന്‍ കോണ്‍സുലേറ്റ് സംഭവം വിലയിരുത്തിയതായും സാമൂഹിക പ്രവര്‍ത്തകരുമായി ബന്ധപ്പെട്ടതായും റിപ്പോര്‍ട്ടുണ്ട്.
30,000 രൂപ ഓരോരുത്തരും ഏജന്റിനു നല്‍കിയെന്നും ജോലി ഉറപ്പാണെന്ന വാഗ്ദാനത്തിലാണ് ഇവിടെ എത്തിയതെന്നും തൊഴിലാളികള്‍ പറഞ്ഞു. എന്നാല്‍ ഇവിടെ എത്തിയപ്പോള്‍ ജോലിയോ, ഭക്ഷണോ ലഭിച്ചില്ലെന്ന് തൊഴിലാളികളില്‍ ഒരാളായ റെയ്ജുല്ല ദേവന്‍ പറയുന്നു.. സാമൂഹിക പ്രവര്‍ത്തകനായ ഹിദായത്ത് അടൂരാണ് തൊഴിലാളികളെ താല്‍ക്കാലികമായി സംരക്ഷിച്ചത്. മാര്‍ച്ച് അഞ്ചിനാണ് തൊഴിലാളികള്‍ ഇവിടെ എത്തിയത്.
