February 28, 2022
February 28, 2022
അബുദാബി : യു.എ.ഇ. യിലെ ഇന്ധന വില സർവ്വകാല റെക്കോർഡിലേക്ക്. റഷ്യ യുക്രൈനെ ആക്രമിച്ചതിന്റെ പരിണിതഫലമായാണ് ഇന്ധനവില കുത്തനെ കൂടിയത്. നാളെ മുതൽ പ്രാബല്യത്തിൽ വരുന്ന മാർച്ച് മാസത്തിലെ വിലവിവരപ്പട്ടിക പ്രകാരം പെട്രോൾ വില ചരിത്രത്തിലാദ്യമായി 3 ദിർഹത്തിന് മുകളിലെത്തും.
കൂടുതൽ പേരും ഉപയോഗിക്കുന്ന സൂപ്പർ പെട്രോളിന് നിലവിൽ 2 ദിർഹം 94 ഫിൽസാണ് വില. നാളെ മുതൽ 3 ദിർഹം 23 ഫിൽസിനാണ് സൂപ്പർ പെട്രോൾ ലഭിക്കുക. ഡീസലിന്റെ വിലയിൽ 31 ഫിൽസിന്റെ വർധനവാണ് രേഖപ്പെടുത്തിയത്. ഇതോടെ, വില 2 ദിർഹം 88 ഫിൽസിൽ നിന്നും 3 ദിർഹം 19 ഫിൽസിലേക്ക് എത്തി. ഇപ്ലസ് പെട്രോളിന് 30 ഫിൽസാണ് വില കൂടിയത്. മാർച്ച് ഒന്ന് മുതൽ 3 ദിർഹം 5 ഫിൽസാണ് ഇപ്ലസിന്റെ വില.
