November 10, 2021
November 10, 2021
ദുബൈ : തൊഴിലിൽ നിന്ന് വിരമിച്ച ശേഷവും പ്രവാസികൾക്ക് രാജ്യത്ത് തുടരാമെന്ന് ദുബൈ മന്ത്രിസഭ അറിയിച്ചു. യുഎഇ വൈസ് പ്രസിഡന്റും ദുബൈ ഭരണാധികാരിയുമായ ഷെയ്ഖ് മുഹമ്മദ്‌ ബിൻ റാഷിദ്‌ അൽ മക്തൂമിന്റെ അധ്യക്ഷതയിൽ ചേർന്ന മന്ത്രിസഭാ യോഗത്തിനൊടുവിലാണ് പുതിയ സംവിധാനത്തിന് അംഗീകാരം ലഭിച്ചത്. പിന്നാലെ, ട്വിറ്ററിലൂടെ മന്ത്രാലയം ഇക്കാര്യം ഔദ്യോഗികമായി അറിയിക്കുകയായിരുന്നു. സെൽഫ് ഡ്രൈവിങ് കാറുകളുടെ പരീക്ഷണത്തിന് അനുമതി തേടിക്കൊണ്ടുള്ള ആഭ്യന്തരമന്ത്രാലയത്തിന്റെ അപേക്ഷയും മന്ത്രിസഭ യോഗത്തിൽ പാസാക്കി.
