October 06, 2022
October 06, 2022
അൻവർ പാലേരി
ദോഹ : ഫ്‌ളൈ ദുബായിക്ക് പുറമെ അബുദാബിയുടെ സ്വന്തം വിമാനക്കമ്പനിയായ ഇത്തിഹാദ് എയർവെയ്‌സും ലോകകപ്പിനായി ദോഹയിലേക്ക് സർവീസ് പ്രഖ്യാപിച്ചു.നവംബർ 20 മുതൽ അബുദാബി-ദോഹ റൂട്ടിൽ പ്രതിദിനം ആറ് സർവീസുകളാണ് നടത്തുക.
പ്രശസ്ത കായിക താരങ്ങളെ ഉൾപെടുത്തി നർമം തുളുമ്പുന്ന പ്രത്യേക വീഡിയോ പരസ്യം പുറത്തിറക്കിയാണ് ഇത്തിഹാദ് ദോഹയിലേക്ക് ഫുട്ബോൾ ആരാധകരെ ക്ഷണിക്കുന്നത്.റഷ്യൻ മാർഷ്യൽ ആർട്സ് താരവും തുടർച്ചയായി യു.എഫ്.സി(UFC)ലൈറ്റ് വെയിറ്റ് ചാമ്പ്യനുമായിരുന്ന ഖബീബ് അബ്ദുൾമാനപോവിച്ച് നർമഗോമെഡോവും അദ്ദേഹത്തിന്റെ സുഹൃത്തും നാല് തവണ യുവേഫ ചാമ്പ്യൻസ് ലീഗ് ജേതാവും മൂന്ന് വ്യത്യസ്ത ക്ലബ്ബുകൾക്കൊപ്പം ടൂർണമെന്റ് വിജയിച്ച ഏക കളിക്കാരനുമായ ഡച്ച് ഫുട്ബോൾ പ്രതിഭ ക്ലാരൻസ് സീഡോർഫുമാണ് നർമരസമുള്ള പരസ്യചിത്രത്തിലുള്ളത്.അബുദാബിയിൽ നിന്നും ദോഹയിലേക്ക് പോകുന്ന ഇത്തിഹാദ് EY399 വിമാനത്തിൽ അതിഥികൾക്കായി കാത്തുവെച്ച സർപ്രൈസാണ് പരസ്യ ചിത്രത്തിൻറെ ഇതിവൃത്തം.
ദുബായിൽ നിന്നുള്ള ഫ്‌ളൈ ദുബായ് ഉൾപെടെ വിവിധ ഗൾഫ് രാജ്യങ്ങളിൽ നിന്നുള്ള നിരവധി വിമാനക്കമ്പനികൾ ലോകകപ്പ് ദിനങ്ങളിൽ ഖത്തറിലേക്ക് പ്രതിദിനം നിരവധി ഷട്ടിൽ സർവീസുകൾ പ്രഖ്യാപിച്ചിരുന്നെങ്കിലും അബുദാബിയുടെയോ യു.എ.ഇയുടെയോ ഉടമസ്ഥതയിലുള്ള വിമാനക്കമ്പനികൾ ഇതുവരെ മൗനം പാലിക്കുകയായിരുന്നു.ഒക്ടോബർ 6ന് ഇന്നാണ് ലോകകപ്പ് കാണാൻ ഫുട്ബോൾ ആരാധകരെ ക്ഷണിച്ചുകൊണ്ടുള്ള പരസ്യചിത്രം ഇത്തിഹാദ് എയർവേയ്‌സ് യുട്യൂബിൽ അപ്‌ലോഡ് ചെയ്തത്.
പരസ്യചിത്രം കാണാൻ ഇവിടെ ക്ലിക്ക് ചെയ്യുക
ന്യൂസ്‌റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/Dg5TqG6OdNJIDasvwIm1qY എന്ന ലിങ്കിൽ ജോയിൻ ചെയ്യുക
