November 07, 2021
November 07, 2021
ദോഹ : മാർവൽ സ്റ്റു ഡിയോസിന്റെ ബിഗ് ബജറ്റ് ചിത്രമായ എറ്റേണൽസ് ഗൾഫ് രാജ്യങ്ങളിൽ പ്രദർശിപ്പിക്കില്ല. സിനിമയിലെ വിവാദരംഗങ്ങൾ നീക്കം ചെയ്യില്ലെന്ന് ഡിസ്നി അറിയിച്ചതോടെയാണ് ഗൾഫ് രാജ്യങ്ങൾ സിനിമ ബഹിഷ്കരിക്കാനുള്ള നിലപാട് സ്വീകരിച്ചത്. നവംബർ 11 ന് ഗൾഫ് രാജ്യങ്ങളിൽ ചിത്രം പ്രദർശനത്തിന് എത്തുമെന്നായിരുന്നു അറിയിച്ചിരുന്നത്. അതേ സമയം, യുഎഇയിൽ ചിത്രം പ്രദർശിപ്പിച്ചേക്കും.
റിച്ചാർഡ് മാഡൻ, സൽമ ഹായക്, ആഞ്ജലീന ജോലി, ഡോൺ ലീ, ഹാരിഷ് പട്ടേൽ തുടങ്ങി വൻ താരനിരയാണ് ചിത്രത്തിൽ അണിനിരക്കുന്നത്. ഭൂമിയിൽ ഏഴായിരത്തോളം വർഷങ്ങൾ രഹസ്യമായി താമസിച്ചിരുന്ന ഒരുപറ്റം അമരന്മാരായ സൂപ്പർ ഹീറോകളുടെ കഥയാണ് ചിത്രത്തിന്റെ ഇതിവൃത്തം. 200 മില്യൺ ഡോളർ മുതൽ മുടക്കിൽ നിർമിച്ച ചിത്രത്തിന് സമ്മിശ്ര പ്രതികരണമാണ് സിനിമാ നിരൂപകരിൽ നിന്നും ലഭിച്ചത്.