September 24, 2021
September 24, 2021
ദുബായ് : കാലങ്ങളായി പിന്തുടർന്ന് വരുന്ന "കടലാസ്" പാസ്‌പോർട്ടിൽ നിന്നും പൂർണമായും ഡിജിറ്റലാവാൻ എമിറേറ്റ്സ് തയ്യാറെടുക്കുന്നു. 12 കേന്ദ്രങ്ങളിലെ പാസ്‌പോർട്ടുകൾ ഡിജിറ്റൽ ആക്കിക്കൊണ്ട് ജൂൺ മാസത്തിൽ നടത്തിയ ആദ്യപരീക്ഷണം വൻ വിജയമായതോടെയാണ് ഈ നീക്കം. ഏപ്രിലിൽ ദുബായിൽ നിന്നുള്ള ചില റൂട്ടുകളിലും പരീക്ഷണാർത്ഥം ഡിജിറ്റൽ പാസ്പോർട്ട് ഉപയോഗിച്ചിരുന്നു.
120 ലേറെ ഇടങ്ങളിലേക്ക് കൂടി ഡിജിറ്റൽ പാസ്‌പോർട്ടിന്റെ സേവനം വ്യാപിപ്പിക്കാനാണ് അധികൃതർ പദ്ധതി ഇടുന്നത്. കോവിഡ് മാനദണ്ഡങ്ങൾ കൃത്യമായി പാലിക്കാനും യാത്രക്കാരെ ഈ നീക്കം സഹായിക്കും. വാക്സിനേഷൻ വിവരങ്ങൾ അപ്‌ഡേറ്റ് ചെയ്യാനും, കോവിഡ് ടെസ്റ്റിംഗ് കേന്ദ്രങ്ങൾ ബുക്ക് ചെയ്യാനും ഡിജിറ്റൽ പാസ്പോർട്ട് ആപ്പ് ഉപയോഗിക്കാമെന്നും എമിറേറ്റ്സ് സിഇഒ ആദിൽ അൽ റിദ അറിയിച്ചു.
