July 28, 2019
July 28, 2019
ദുബായ്: ഈ വർഷത്തെ ബലി പെരുന്നാൾ ഒാഗസ്റ്റ് 11ന് ആയിരിക്കാൻ സാധ്യത. പ്രമുഖരായ രണ്ട് ജ്യോതിശാസ്ത്രജ്ഞരാണ് ഇക്കാര്യം വ്യക്തമാക്കിയത്. . ഓഗസ്റ്റ് 2നായിരിക്കും ദുൽഹജ് ഒന്ന്. ഇതുപ്രകാരം അറഫാ ദിനം 10നായിരിക്കുുമെന്ന് ഇന്‍റർനാഷനൽ അസ്ട്രോണമി സെൻ്റർ ഡയറക്‌ടർ മുഹമ്മദ് ഷൗഖത് ഒദെ, കുവൈത്തി ഗോളശാസ്ത്രജ്ഞനും ചരിത്രകാരനുമായ ആദിൽ അൽ സാദൂൻ എന്നിവർ പറഞ്ഞു. ഇതനുസരിച്ച് ഒാഗസ്റ്റ് 10 മുതൽ 13 വരെ പൊതുജനങ്ങൾക്ക് അവധി ആസൂത്രണം ചെയ്യാമെന്നും പറയുന്നു. ഇബ്രാഹിം നബി ദൈവ കൽപന മാനിച്ച് മകൻ ഇസ്മായീലിനെ ബലിയർപ്പിക്കാൻ തയ്യാറായതിൻ്റെ സ്മരണ പുതുക്കുന്ന ദിനമാണ് ബലി പെരുന്നാളായി ആഘോഷിക്കുന്നത്.
