April 30, 2024
April 30, 2024
അബുദാബി: യുഎഇയില്‍ മെയ് മാസത്തെ ഇന്ധനവില പ്രഖ്യാപിച്ചു. സൂപ്പര്‍ 98 പെട്രോള്‍ ലിറ്ററിന് 3.34 ദിര്‍ഹമാണ് പുതിയ നിരക്ക്. ഏപ്രിലില്‍ 3.15 ദിര്‍ഹമായിരുന്നു. സ്‌പെഷ്യല്‍ 95 പെട്രോള്‍ ലിറ്ററിന് 3.22 ദിര്‍ഹമാണ് പുതിയ വില. കഴിഞ്ഞ മാസം ലിറ്ററിന് 3.03 ദിര്‍ഹമായിരുന്നു.
ഇ പ്ലസ് 91 പെട്രോളിനും വില വര്‍ധിപ്പിച്ചു. ഏപ്രിലില്‍ 2.96 ദിര്‍ഹമായിരുന്ന ഇ പ്ലസ് 91 പെട്രോള്‍ ലിറ്ററിന് 3.15 ദിര്‍ഹമായി വില ഉയര്‍ത്തി. അതേസമയം ഡീസലിന് വില കുറച്ചു. 3.07 ദിര്‍ഹമാണ് പുതിയ വില. കഴിഞ്ഞ മാസം ലിറ്ററിന് 3.09 ദിര്‍ഹമായിരുന്നു.
അന്താരാഷ്ട്ര ക്രൂഡ് ഓയില്‍ വിലയെ അടിസ്ഥാനമാക്കിയാണ് ആഭ്യന്തര വിപണിയിലെ ഇന്ധന വില നിര്‍ണയ സമിതി, പുതിയ നിരക്കുകള്‍ പ്രഖ്യാപിച്ചത്. നാളെ (മെയ് 1) മുതല്‍ പുതിയ നിരക്കുകള്‍ പ്രാബല്യത്തില്‍ വരും.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
