November 07, 2021
November 07, 2021
ദുബൈ : എമിറേറ്റിലെ ടൂറിസം വകുപ്പും സാമ്പത്തിക വകുപ്പും ഇനി ഒന്നിച്ചുപ്രവർത്തിക്കും. ശൈഖ് മുഹമ്മദ്‌ ബിൻ റാഷിദിന്റെ കാഴ്ചപ്പാട് അനുസരിച്ചാണ് ഈ നടപടി. യുണൈറ്റഡ് അറബ് എമിറേറ്റ്സ് വൈസ് പ്രസിഡന്റും ദുബൈ ഭരണാധികാരിയുമായ ഷെയ്ഖ് മുഹമ്മദ്‌ ബിൻ റാഷിദ് അൽ മക്തൂമാണ് ട്വിറ്ററിലൂടെ ഈ പ്രഖ്യാപനം നടത്തിയത്.
പുതിയ വകുപ്പിന്റെ മേധാവിയായി ഹിലാൽ അൽ മാരിയെ തിരഞ്ഞെടുത്തതായും മക്തൂം ട്വിറ്ററിൽ കുറിച്ചു. ദുബൈയുടെ സമ്പത്ത്ഘടന നിർണയിക്കുന്നതിൽ ടൂറിസം വഹിച്ച പങ്ക് ചെറുതല്ലെന്നും, വിനോദസഞ്ചാരികളുടെ ഇഷ്ടകേന്ദ്രങ്ങളിലൊന്നായി ദുബൈ മാറിയതിന് കാരണം ടൂറിസമാണെന്നും ഷെയ്ഖ് മുഹമ്മദ്‌ വിലയിരുത്തി. 2025 ആവുമ്പോഴേക്കും 25 മില്യൺ വിനോദസഞ്ചാരികളെ ആകർഷിക്കാനുള്ള പദ്ധതിയിലാണ് നിലവിൽ ദുബൈ.
