October 18, 2021
October 18, 2021
ദുബൈ : ജനനസർട്ടിഫിക്കറ്റുകൾ വാട്സപ്പ് മുഖാന്തരം നൽകാനുള്ള പദ്ധതിയുമായി ദുബൈ. ആരോഗ്യമന്ത്രാലയം സംഘടിപ്പിച്ച ജൈ ടെക്സ് മേളയിലാണ് ഈ പദ്ധതി പരിചയപ്പെടുത്തിയത്. വിവിധ സ്മാർട്ട് സേവനങ്ങൾ പരിചയപ്പെടുത്താനായി നടത്തിയ മേളയിൽ കാർ പാർക്കിങ് പേയ്‌മെന്റ് വാട്ട്‌സാപ്പിലൂടെ ലഭ്യമാക്കാനുള്ള പദ്ധതിയും പ്രദർശിപ്പിച്ചു.
പുതിയ പേയ്‌മെന്റ് രീതിയെ പറ്റിയുള്ള പരീക്ഷണങ്ങൾ ആരംഭിച്ചുവെന്നും റോഡ് ഗതാഗത അതോറിറ്റി എക്സിക്യൂട്ടീവ് ഡയറക്ടർ അഹമ്മദ് മെഹബൂബ് വ്യക്തമാക്കി. ഈ പദ്ധതി പ്രാവർത്തികമാക്കിയാൽ എസ്എംഎസിനുള്ള ചാർജ് ഈടാക്കാതെ, ഡിജിറ്റൽ വാലറ്റിൽ നിന്ന് തന്നെ പണം ഈടാക്കാൻ കഴിയും. ഈ സാങ്കേതികവിദ്യകളുടെ ഗുണങ്ങൾ വൈകാതെ തന്നെ ജനങ്ങളിലേക്ക് എത്തിക്കാൻ കഴിയുമെന്നാണ് അധികൃതരുടെ പ്രതീക്ഷ.
