April 12, 2022
April 12, 2022
ദുബായ് : ദുബായ് രാജ്യാന്തര വിമാനത്താവളത്തിൽ അറ്റകുറ്റപ്പണികൾ മെയ് ഒൻപതിന് ആരംഭിക്കും. വടക്കൻ റൺവേയിൽ കാലോചിതമായ അറ്റകുറ്റപ്പണികൾ നടത്താനുള്ളതിനാൽ 45 ദിവസത്തോളം വിമാനത്താവളത്തിന്റെ പ്രവർത്തനം ഭാഗികമായി തടസ്സപ്പെടുമെന്ന് അധികൃതർ നേരത്തെ അറിയിച്ചിരുന്നു.
മെയ് 9 മുതലാണ് വിമാനത്താവളത്തിന്റെ പ്രവർത്തനത്തിൽ തടസം നേരിടുക. മൊത്തം വിമാനസർവീസുകളുടെ 40 ശതമാനവും മറ്റ് വിമാനത്താവളങ്ങളിലേക്ക് മാറ്റുമെന്ന് ഔദ്യോഗിക വൃത്തങ്ങൾ അറിയിച്ചു. തങ്ങളുടെ സർവീസുകളിൽ എട്ടെണ്ണം ജബൽ അലി വിമാനത്താവളത്തിലേക്ക് മാറ്റുമെന്ന് ഇൻഡിഗോ അറിയിച്ചു. സർവീസിൽ മാറ്റങ്ങൾ ഉണ്ടാവുമെന്ന് എയർ ഇന്ത്യയും സൂചന നൽകിയിട്ടുണ്ട്. വരും ദിവസങ്ങളിൽ വിമാനക്കമ്പനികൾ പുതിയ ഷെഡ്യൂൾ പുറത്തുവിട്ടേക്കും.