March 22, 2022
March 22, 2022
ദുബായ് : ദുബായ് അന്താരാഷ്ട്ര വിമാനത്താവളത്തിലെ റൺവേകളിൽ ഒന്ന് 45 ദിവസത്തേക്ക് അടച്ചിടുമെന്ന് അധികൃതർ അറിയിച്ചു. അറ്റകുറ്റപണികൾ നടത്തേണ്ടതിനാലാണ് റൺവേ അടച്ചിടുന്നത്. മെയ് 9 മുതലാണ് നടപടികൾ ആരംഭിക്കുക. വിമാനത്താവളത്തിന്റെ വടക്ക് ഭാഗത്തുള്ള റൺവേ ആണ് അടച്ചിടുന്നത്.
2014 ലാണ് ഒടുവിലായി ഈ റൺവേ നവീകരിച്ചത്. അറ്റകുറ്റപ്പണി നടക്കുന്ന വേളയിൽ ചില സർവീസുകൾ ദുബായിലെ രണ്ടാം വിമാനത്താവളമായ അൽ മക്തൂം വിമാനത്താവളത്തിലേക്ക് മാറ്റും. കോവിഡ് പ്രതിസന്ധിക്ക് ശേഷം ഇതാദ്യമായാണ് മക്തൂം വിമാനത്താവളത്തിൽ സാധാരണ യാത്രാ വിമാനങ്ങൾ സർവീസ് നടത്തുന്നത്. ജൂൺ 22 ഓടെ നവീകരണജോലികൾ പൂർത്തിയാക്കാൻ കഴിയുമെന്നാണ് അധികൃരുടെ കണക്കുകൂട്ടൽ.