January 07, 2023
January 07, 2023
ന്യൂസ്റൂം ബ്യുറോ
ദുബായ്: ദുബായ് ഗ്ലോബല് വില്ലേജ് താത്ക്കാലികമായി അടച്ചു. മോശം കാലാവസ്ഥയുടെ പശ്ചാത്തലത്തിലാണ് നടപടി.
മോശം കാലാവസ്ഥ കണക്കിലെടുത്ത് ദുബായ് ഗ്ലോബല് വില്ലേജിലെത്തുന്ന അതിഥികളുടെയും സംഘാംഗങ്ങളുടെയും സുരക്ഷ കണക്കിലെടുത്ത് മുന്കരുതല് നടപടിയെന്ന നിലയിലാണ് ശനിയാഴ്ച്ച ഗ്ലോബല് വില്ലേജ് അടച്ചിടാന് തീരുമാനിച്ചത്. ജനുവരി 8 ഞായറാഴ്ച്ച വൈകുന്നേരം നാല് മണി മുതല് പ്രവര്ത്തനം പുനഃരാരംഭിക്കുമെന്നും അധികൃതര് അറിയിച്ചു. ഗ്ലോബല് വില്ലേജ് അധികൃതര് ട്വിറ്ററിലൂടെയാണ് ഇക്കാര്യം അറിയിച്ചത്.
യുഎഇയുടെ വിവിധ ഭാഗങ്ങളില് ശക്തമായ മഴയാണ് അനുഭവപ്പെടുന്നത്. അന്തരീക്ഷം മേഘാവൃതമായിരിക്കുമെന്നും മഴ ശക്തമാകാനാണ് സാധ്യതയെന്നും കാലാവസ്ഥാ വിദഗ്ധര് മുന്നറിയിപ്പ് നല്കിയിട്ടുണ്ട്. ജനങ്ങള് ജാഗ്രത പാലിക്കണമെന്നും നിര്ദ്ദേശമുണ്ട്. വിവിധ എമിറേറ്റുകളില് താപനില കുറയാനും സാധ്യതയുണ്ട്.
ന്യൂസ്റൂം വാർത്തകളും തൊഴിൽ അറിയിപ്പുകളും മുടങ്ങാതെ ലഭിക്കാൻ https://chat.whatsapp.com/B5cRGSkveuO5fUeQTErqlq എന്ന ലിങ്കിൽ ജോയിൻ ചെയ്യുക