February 22, 2022
February 22, 2022
ദുബായ് : അടുത്തിടെ നിലവിൽ വന്ന പുതിയ തൊഴിൽ നിയമം അനുസരിച്ച്, ആറുതരം അവധികൾക്ക് ശമ്പളം നഷ്ടമാവില്ലെന്ന് അധികൃതർ അറിയിച്ചു. സർവീസിൽ ഒരു വർഷം പൂർത്തിയാക്കിയ ജീവനക്കാരന് 30 ദിവസത്തെയും, ആറുമാസത്തെ താഴെ സർവീസ് ഉള്ളവർക്ക് മാസത്തിൽ രണ്ട് ദിവസത്തെയും അവധിക്ക് അർഹതയുണ്ടെന്നും ഔദ്യോഗിക വൃത്തങ്ങൾ വ്യക്തമാക്കി.
വാർഷിക അവധി, രോഗം, പ്രസവം, അടുത്ത ബന്ധുക്കളുടെ മരണം, പഠനം എന്നിവയുമായി ബന്ധപ്പെട്ടാണ് ശമ്പളത്തോടെ അവധി ലഭിക്കുക. വനിതകൾക്ക് ഗർഭകാലത്തിന്റെ ആദ്യ ആറുമാസങ്ങൾ പിന്നിട്ട ശേഷം 60 ദിവസം അവധി എടുക്കാം. രോഗങ്ങളുമായി ബന്ധപ്പെട്ട് വർഷത്തിൽ 45 അവധിയാണ് ലഭിക്കുക. അടുത്ത ബന്ധുക്കൾ (രക്തബന്ധമുള്ളവർ) മരണമടഞ്ഞാൽ അഞ്ചുദിവസം അവധി എടുക്കാം. യു.എ.ഇ.യിലെ വിദ്യാഭാസ സ്ഥാപനങ്ങളിലെ കോഴ്‌സുകൾ ചെയ്യുന്നവർക്ക് വർഷത്തിൽ 10 അവധി വരെ എടുക്കാം. എന്നാൽ, ഇവർ സർവീസിൽ 2 വർഷം പൂർത്തിയാക്കിയിരിക്കണം. തൊഴിൽ ദാതാവിന്റെ അനുമതിയോടെ മേല്പറഞ്ഞ അവധികൾ എടുത്താൽ, അതിന്റെ പേരിൽ ജീവനക്കാരനെതിരെ പിരിച്ചുവിടൽ അടക്കമുള്ള നടപടികൾ സ്വീകരിക്കാൻ സാധിക്കില്ലെന്നും അധികൃതർ വ്യക്തമാക്കി.
