November 25, 2021
November 25, 2021
ദോഹ : അറബ് വൻകരയിലെ പ്രമുഖടീമുകൾ ഏറ്റുമുട്ടുന്ന പ്രഥമ ഫിഫ അറബ് കപ്പിന് ആതിഥ്യമരുളാൻ തയ്യാറെടുക്കുകയാണ് ഖത്തർ. ലോകകപ്പിന് ഒരുക്കിയ വേദികളിൽ നടക്കുന്ന ഈ ടൂർണമെന്റിലെ ജേതാക്കൾക്കായി മനോഹരമായൊരു ട്രോഫിയും സംഘാടകർ രൂപകൽപന ചെയ്തിട്ടുണ്ട്. മിഡിൽ ഈസ്റ്റിന്റെ പൈതൃകവും സംസ്കാരവും വിളിച്ചോതുന്ന രൂപരേഖയിൽ തയ്യാറാക്കിയ ട്രോഫി, പൂർണമായും സ്വർണത്തിലാണ് നിർമ്മിച്ചിരിക്കുന്നത്. ട്രോഫിയുടെ മുകൾഭാഗത്തായി 'എന്റെ ഭൂമി' എന്ന വാക്കുകൾ അറബ് ഭാഷയിൽ ആലേഖനം ചെയ്തിട്ടുണ്ട്. വ്യാപാരരംഗത്ത് അറേബ്യ നൽകിയ സംഭാവനകളുടെ സൂചനയായി പണ്ടുണ്ടായിരുന്ന കച്ചവടപാതകളും കപ്പിൽ പതിപ്പിച്ചിട്ടുണ്ട്. ടൂർണമെന്റിന്റെ പേര് അറബ് ഭാഷയിൽ കൊത്തിവെച്ചിട്ടുള്ള ട്രോഫിയിൽ, ഫുട്ബോളും അടങ്ങിയിട്ടുണ്ട്.