September 22, 2021
September 22, 2021
ദുബായ് : ഇന്ത്യൻ പ്രീമിയർ ലീഗിലെ ഇന്നത്തെ മത്സരത്തിൽ ഡൽഹി ക്യാപ്പിറ്റൽസും സൺറൈസേഴ്സ് ഹൈദരാബാദും ഏറ്റുമുട്ടും. ഇന്ത്യൻ സമയം വൈകീട്ട് 7:30 ന് ദുബായ് ഇന്റർനാഷണൽ ക്രിക്കറ്റ് സ്റ്റേഡിയത്തിലാണ് മത്സരം.
സീസണിൽ കളിച്ച ഏഴിൽ ആറ് മത്സരങ്ങളിലും തോറ്റ ഹൈദരാബാദിന് അടുത്ത ഘട്ടത്തിലേക്ക് മുന്നേറാൻ അത്ഭുതങ്ങൾ തന്നെ സംഭവിക്കേണ്ടി വരും. മറുവശത്ത് ഡൽഹി മിന്നും ഫോമിലാണ്. കളിച്ച എട്ടിൽ ആറും വിജയിച്ച ടീമിന് ഇന്ന് ജയിച്ചാൽ പ്ലേഓഫ് ഏതാണ്ട് ഉറപ്പിക്കാം. പ്രധാനതാരങ്ങളിൽ ഒരാളായ ബെയർസ്‌റ്റോയുടെ സേവനം ലഭ്യമാവില്ലെന്നത് ഹൈദരാബാദിന് തലവേദന സൃഷ്ടിക്കുമ്പോൾ, ഡൽഹി ക്യാമ്പിൽ ശ്രേയസ്‌ അയ്യർ തിരിച്ചെത്തും. സീസണിൽ ഇരുവരും തമ്മിൽ ആദ്യം ഏറ്റുമുട്ടിയപ്പോൾ വിജയം ഡൽഹിക്കൊപ്പമായിരുന്നു. ആവേശമേറിയ മത്സരത്തിനൊടുവിൽ സൂപ്പർ ഓവറിലാണ് അന്ന് ഡൽഹി വിജയം പിടിച്ചെടുത്തത്.
