June 20, 2020
June 20, 2020
ദുബായ് : യു.എ.ഇയിൽ ഇന്ത്യക്കാർ മരണപ്പെട്ടാൽ മരണ വിവരം നയതന്ത്ര കാര്യാലയത്തെ അറിയിക്കുന്നതില്‍ കാലതാമസം വരുത്തരുതെന്ന് ദുബായ് ഇന്ത്യന്‍ കോണ്‍സുല്‍ ജനറല്‍ വിപുല്‍ അറിയിച്ചു. സംസ്‌കാര നടപടിക്രമങ്ങളിലെ കാലതാമസം ഒഴിവാക്കാന്‍ ഇത് സഹായിക്കും.
കഴിഞ്ഞ ഏതാനും ആഴ്ചകളായി, കൊവിഡ് കാരണമുള്ള മരണം അറിയിക്കുന്നതില്‍ തൊഴിലുടമകള്‍, സ്‌പോണ്‍സര്‍മാര്‍, കുടുംബങ്ങള്‍ എന്നിവരുടെ ഭാഗത്തുനിന്ന് കാലതാമസമുണ്ടായതായി വ്യക്തമായിട്ടുണ്ട്. നടപടിക്രമങ്ങള്‍ വേഗം പൂര്‍ത്തിയാക്കണമെന്നു കോണ്‍സുലേറ്റിന് പ്രാദേശിക അധികാരികള്‍ നിര്‍ദേശം നല്‍കിയിട്ടുണ്ട്.
അന്ത്യകര്‍മങ്ങള്‍ ചുരുങ്ങിയ സമയത്തിനുള്ളില്‍ പൂര്‍ത്തിയാക്കണമെന്നും അദ്ദേഹം ആവശ്യപ്പെട്ടു. +971-507347676 എന്ന അടിയന്തര ഹെല്‍പ് ലൈൻ നമ്പറിൽ ഉടന്‍ അറിയിക്കണം. ഇന്ത്യന്‍ പൗരന്റെ മരണം റിപ്പോര്‍ട്ട് ചെയ്യണമെന്ന് കോണ്‍സുലേറ്റ് എല്ലാ തൊഴിലുടമകളോടും സ്‌പോണ്‍സര്‍മാരോടും അഭ്യര്‍ഥിച്ചു.
മരണവുമായി ബന്ധപ്പെട്ട വിവരങ്ങള്‍ ഇ മെയിൽ വഴിയും അറിയിക്കാം.
ന്യൂസ്‌റൂം വാർത്തകൾ മുടങ്ങാതെ ലഭിക്കാൻ +974 66200 167 എന്ന ഖത്തർ വാട്സാപ്പ് നമ്പറിലേക്ക് നിങ്ങളുടെ പേര് സന്ദേശമായി അയക്കുക
