September 26, 2021
September 26, 2021
ദുബായ്: ധനകാര്യമടക്കമുള്ള സുപ്രധാനവകുപ്പുകളിൽ മാറ്റങ്ങൾ പ്രഖ്യാപിച്ച് ദുബായ് ഭരണാധികാരി ഷെയ്ഖ് മുഹമ്മദ് ബിൻ റാഷിദ് അൽ മക്തൂം. ഭരണാധികാരിയുടെ മകനും, നിലവിലെ ഉപഭരണാധികാരിയുമായ ഷെയ്ഖ് മക്തൂം ബിൻ മുഹമ്മദ് ബിൻ റാഷിദ് അൽ മക്തൂമിനാണ് ധനകാര്യവകുപ്പിന്റെ ചുമതല. ഒപ്പം, ഉപപ്രധാനമന്ത്രി പദവും ഇദ്ദേഹം തന്നെ അലങ്കരിക്കും.
മറിയം അൽ മുഹൈറിക്കാണ് ഇനി മുതൽ കാലാവസ്ഥ-പരിസ്ഥിതി വകുപ്പിന്റെ ചുമതല. ഊർജവിഭവവകുപ്പ് മന്ത്രിയായ സുഹൈൽ മുഹമ്മദ് അൽ മിസൗറിക്ക് ചില അധികചുമതലകൾ നൽകാനും മന്ത്രിസഭ തീരുമാനിച്ചിട്ടുണ്ട്. പത്ത് വർഷം മുൻപ് ആരംഭിച്ച "യുഎഇ വിഷൻ 2021" ന്റെ ഭാഗമായാണ് ഈ മാറ്റങ്ങൾ.