March 28, 2022
March 28, 2022
ദുബായ് : ദുബായ് എമിറേറ്റിൽ അനുവദിച്ചിരുന്ന സൗജന്യ പാർക്കിങ് സൗകര്യം ഞായറാഴ്ച്ചകളിലേക്ക് മാറ്റിയതായി ദുബായ് കിരീടാവകാശി ഷെയ്ഖ് ഹംദാൻ അറിയിച്ചു. നേരത്തെ, വെള്ളിയാഴ്ച്ച ദിവസങ്ങളിലാണ് ഈ സൗകര്യം ലഭിച്ചിരുന്നത്. രാജ്യത്തിന്റെ വാരാന്ത്യ അവധി ഞായറാഴ്ച്ചയിലേക്ക് മാറ്റിയതിനാലാണ് ഈ സംവിധാനത്തിലും മാറ്റം വരുത്തുന്നത്.
ഞായറിനൊപ്പം മറ്റ് പൊതു അവധി ദിനങ്ങളിലും ആനുകൂല്യം ലഭിക്കും. പ്രവൃത്തിദിവസങ്ങളിൽ രാവിലെ 8 മുതൽ രാത്രി 10 വരെയുള്ള 14 മണിക്കൂർ സമയത്തെ പാർക്കിങ്ങിന് പണം ഈടാക്കും. സാഹചര്യം വിലയിരുത്തിയ ശേഷം പാർക്കിങ് ഫീസുമായി ബന്ധപ്പെട്ട കാര്യങ്ങളിൽ മാറ്റങ്ങൾ വരുത്താൻ ആർ.ടി.ഐ ക്ക് അധികാരമുണ്ടെന്നും നിയുക്ത കിരീടാവകാശി വ്യക്തമാക്കി.