February 25, 2022
February 25, 2022
ദുബായ് : യു.എ.ഇ.യിൽ നിന്നും കേരളത്തിലേക്ക് യാത്ര തിരിക്കുന്നവർക്ക് അധിക ബാഗേജുകൾ കൊണ്ടുപോകാൻ അനുമതി. കൊച്ചി, തിരുവനന്തപുരം, കോഴിക്കോട്, കണ്ണൂർ എന്നിവിടങ്ങളിലേക്കുള്ള യാത്രക്കാർക്ക് നാല്പത് കിലോ വരെ ലഗേജുകൾ കൊണ്ടുപോകാമെന്ന് എയർ ഇന്ത്യ എക്സ്പ്രസും സ്പൈസ് ജെറ്റും അറിയിച്ചു. ഇന്ത്യൻ യാത്രികരുടെ എണ്ണത്തിൽ കുറവ് രേഖപ്പെടുത്തിയതോടെയാണ് കമ്പനികൾ ഓഫറുകളുമായി രംഗത്തെത്തിയത്.
അധിക ബാഗേജിന് ഈടാക്കിയിരുന്ന നിരക്കിലും മാറ്റങ്ങളുണ്ട്. പത്ത് കിലോ ലഗേജ് അധികമായി വഹിക്കാൻ 50 ദിർഹം (1000) രൂപയാണ് നിരക്ക്. മുൻപ് 200 ദിർഹമായിരുന്നു 10 കിലോയ്ക്ക് ഈടാക്കിയിരുന്നത്. 25 ദിർഹം നൽകിയാൽ അഞ്ച് കിലോ അധികം ഉൾപ്പെടുത്താനും അവസരമുണ്ട്. വിമാനടിക്കറ്റ് നിരക്കിലും വലിയ കുറവാണ് അനുഭവപ്പെടുന്നത്. ശരാശരി 600-700 ദിർഹമുണ്ടായിരുന്ന ടിക്കറ്റുകൾ ഇപ്പോൾ 300 ദിർഹം മുതൽ ലഭ്യമാണ്. അതേസമയം, എക്സ്പോ അടക്കമുള്ള മഹാമേളകൾ നടക്കുന്നതിനാൽ, കേരളത്തിൽ നിന്നും യു.എ.ഇ.യിലേക്ക് യാത്ര തിരിക്കുന്നവർക്ക് നിരക്ക് കൂടുതലാണ്.