March 08, 2022
March 08, 2022
ദുബായ് : ഏറെ കാലമായി ഓടാതെ കിടന്ന സ്കൂൾ ബസ് മോഷ്ടിച്ചു വിറ്റ കേസിൽ രണ്ട് ഏഷ്യക്കാർക്ക് ശിക്ഷ. ഒരുവർഷം തടവും, 1,84, 000 ദിർഹം പിഴയുമാണ് ശിക്ഷ. വാഹനം മോഷണം പോയത് ശ്രദ്ധയിൽ പെട്ട ഉടമ, പോലീസിൽ വിവരമറിയിക്കുകയായിരുന്നു.
ജി.പി.എസ് പിന്തുടർന്ന് നടത്തിയ അന്വേഷണത്തിൽ, ഷാർജയിലെ കാർ ഷോറൂമിലാണ് വാഹനമുള്ളതെന്ന് കണ്ടെത്തി. പ്രതികളിൽ ഒരാൾ ഈ സ്ഥാപനത്തിലായിരുന്നു ജോലി ചെയ്തിരുന്നത്. തുടർന്ന് നടത്തിയ ചോദ്യം ചെയ്യലിൽ ഇയാൾ കുറ്റം സമ്മതിച്ചു. 34,000 ദിർഹത്തിനാണ് ബസ് വിറ്റത്. കൂട്ടാളികളുടെ സഹായത്തോടെ ബസ് ഷാർജയിൽ എത്തിച്ച ശേഷം വ്യാജമായി പുതിയ രജിസ്ട്രേഷൻ നിർമിക്കുകയായിരുന്നു.