February 18, 2022
February 18, 2022
ദോഹ : വിദേശത്ത് നിന്നുള്ള ഗാർഹിക തൊഴിലാളികളെ അനുമതിയില്ലാതെ താമസിപ്പിക്കുകയും റിക്രൂട്ട് ചെയ്യുകയും ചെയ്ത മൂന്ന് പേർ അറസ്റ്റിൽ. പാസ്പോർട്ട് ജനറൽ ഡയറക്ടറേറ്റിലെ സെർച്ച് ആൻഡ് ഫോളോ അപ്പ് വിഭാഗമാണ് ഏഷ്യക്കാരായ പ്രതികളെ പിടികൂടിയത്. സമൂഹമാധ്യമങ്ങളിൽ സംഘം നൽകിയ പരസ്യത്തിൽ സംശയം തോന്നിയ അധികൃതർ പരിശോധന നടത്തുകയായിരുന്നു.
നിരവധി ഗാർഹിക തൊഴിലാളികൾക്കൊപ്പമാണ് പ്രതികളെ കണ്ടെത്തിയത്. ചോദ്യം ചെയ്യലിനിടെ ഇവർ കുറ്റം സമ്മതിച്ചതായും, സമൂഹമാധ്യമങ്ങളിലൂടെ ഗാർഹിക തൊഴിലാളികളെ വലയിൽ വീഴ്ത്തിയത് എങ്ങനെയാണെന്ന് വിശദീകരിച്ചെന്നും അധികൃതർ അറിയിച്ചു. പ്രതികളെ തുടർ നടപടികൾക്കായി പബ്ലിക് പ്രോസിക്യൂഷന് കൈമാറി.