November 08, 2021
November 08, 2021
ദോഹ : നവംബർ 30 ന് ആരംഭിക്കുന്ന ഫിഫ അറബ് കപ്പ് രാജ്യത്തെ വിദ്യാഭ്യാസ സ്ഥാപനങ്ങളുടെ പ്രവർത്തനത്തെ ബാധിക്കില്ലെന്ന് മന്ത്രാലയം അറിയിച്ചു. സ്ഥാപനങ്ങൾക്ക് അവധി നൽകില്ലെന്നും, ക്ലാസുകൾ നിശ്ചയിച്ച പ്രകാരം നടക്കുമെന്നും അധികൃതർ വ്യക്തമാക്കി.
ടൂർണമെന്റ് നടക്കുന്നതിനാൽ സ്കൂളുകൾക്ക് അവധി നൽകുമെന്ന തരത്തിൽ ഊഹാപോഹങ്ങൾ പ്രചരിക്കവേ ആണ് വിദ്യാഭ്യാസമന്ത്രാലയം ഔദ്യോഗിക പത്രക്കുറിപ്പ് ഇറക്കിയത്. ഡിസംബർ പകുതി വരെ നീണ്ടുനിൽക്കുന്ന അറബ് ഫുട്ബോൾ മാമാങ്കത്തിൽ അറേബ്യൻ മേഖലയിലെ 16 ടീമുകളാണ് മാറ്റുരയ്ക്കുന്നത്.
