October 08, 2021
October 08, 2021
ദുബായ് : പ്രവാസി മലയാളികൾക്ക് അഭിമാനമായി യു.എ.ഇ സർക്കാർ മന്ത്രാലയങ്ങളുടെ പരസ്യ ചിത്രങ്ങളിൽ ഇനിയൊരു കണ്ണൂർക്കാരിയുടെ സാന്നിധ്യവുമുണ്ടാവും.കണ്ണൂര് കാപ്പാട് സ്വദേശി അനീഷിന്റെയും ജീനയുടെയും മകള് പതിനൊന്നുകാരിയായ അനീഷയാണ് ഈ അപൂർവനേട്ടത്തിന് ഉടമയായത്.യു.എ.ഇയിലെ രണ്ട് മന്ത്രാലയങ്ങളുടെയും ഇത്തിഹാദിന്റെയും പരസ്യത്തില് അഭിനയിക്കാനുള്ള ഭാഗ്യവും ഈ മിടുക്കിയെ തേടിയെത്തിയിരിക്കുകയാണ്.ഒരുപിടി മികച്ച സ്ഥാപനങ്ങളുടെ മോഡലായ അന്ഷി ഏറ്റവും ഒടുവില് അഭിനയിച്ചത് യു.എ.ഇ വിദ്യാഭ്യാസ മന്ത്രാലയത്തിെന്റ പരസ്യത്തിലാണ്. സ്കൂളിലേക്ക് മടങ്ങിയെത്തുന്ന കുട്ടികള്ക്ക് ആത്മിവശ്വാസം പകരാന് തയാറാക്കിയ പരസ്യത്തില് മുഖ്യ കഥാപാത്രമാണ്. വൈകാതെ ഈ വീഡിയോ പുറത്തിറങ്ങുമെന്ന് പ്രതീക്ഷിക്കുന്നു.
യു.എ.ഇ ആരോഗ്യമന്ത്രാലയത്തിെന്റ രണ്ട് പരസ്യത്തിലും അനീഷ മുഖ്യകഥാപാത്രമായിട്ടുണ്ട്.. ഓഡിഷന് നടത്തിയായിരുന്നു തെരഞ്ഞെടുപ്പ്. കഴിഞ്ഞ വര്ഷം അബൂദബി ടൂറിസത്തിനായി അഭിനയിക്കാന് അവസരം ലഭിച്ചെങ്കിലും കോവിഡ് കാരണം ഷൂട്ടിങ് നടന്നില്ല. 2019ലാണ് ഇത്തിഹാദിെന്റ 'ഗോ യുവര് ഓണ് വേ' എന്ന പരസ്യത്തിലേക്ക് അവസരം തേടിയെത്തിയത്. ഏപ്രിലില് ഷാര്ജ ടി.വിയുടെ 'ഇന്ത്യ' എന്ന ഡോക്യുമെന്ററിയില് അഭിനയിക്കാനുള്ള ഭാഗ്യവും ലഭിച്ചു. പ്രശസ്ത ലബനീസ് ഗായിക മിറിയം ഫെയേഴ്സിന്റെ മ്യൂസിക് വീഡിയോ ആല്ബത്തിന്റെ ഭാഗമാകാന് കഴിഞ്ഞത് ഏറ്റവും വലിയ നേട്ടങ്ങളില് ഒന്നായാണ് ഈ മിടുക്കി കാണുന്നത്. കഴിഞ്ഞ ദിവസം എക്സ്പോയുടെ ഉദ്ഘാടന ചടങ്ങിലെ ശ്രദ്ധാകേന്ദ്രമായിരുന്ന മിറ സിങ് എന്ന പെണ്കുട്ടിക്കൊപ്പമായിരുന്നു ഈ ആല്ബം. നിരവധി സ്വകാര്യ സ്ഥാപനങ്ങളുടെയും മോഡലാണ് അന്ഷി.
ഏഴാം വസയില് അമൃത ടി.വിയിലെ 'അപരിചിത' എന്ന സീരിയലിലൂടെയാണ് അഭിനയ രംഗത്തേക്ക് കടന്നുവരുന്നത്. 100 എപ്പിസോഡുള്ള സീരിയലില് മുഴുനീള കഥാപാത്രം. ആസ്റ്ററിെന്റ ബ്രോഷര് മോഡലായാണ് യു.എ.ഇയിലെ തുടക്കം. പിന്നീട് ഒരുപിടി മികച്ച സ്ഥാപനങ്ങളുടെ മോഡലായി.
ഷാര്ജ അവര് ഓണ് ഇന്ത്യന്സ് ഹൈസ്കൂളിലെ ഈ ആറാം ക്ലസുകാരി മികച്ച ചിത്രകാരികൂടിയാണ്. അടുത്തിടെ അന്ഷി വരച്ച ആഫ്രിക്കന് വനിതയുടെ പെയിന്റിങ് 'മാഗ്സോയിഡ്' എന്ന മാഗസിനില് വന്നിരുന്നു. അക്രലിക് പെയിന്റിങാണ് ഇഷ്ട മേഖല. 2018ല് കോഴിക്കോട് നടന്ന 'മിസ് ഫോട്ടോജനിക് ജൂനിയര് മോഡല് ഇന്ത്യ' ആയി തെരഞ്ഞെടുക്കപ്പെട്ടു. ഇതിെന്റ ഫൈനല് ദുബൈയില് നടന്നപ്പോഴും വിവിധ രാജ്യങ്ങളിലുള്ളവരെ മറികടന്ന് ഒന്നാമതെത്തി. ഇതോടൊപ്പം 'മിസ് ബട്ടര്ൈഫ്ല ഓഫ് ജൂനിയര് മോഡല് വേള്ഡു'മായി തെരഞ്ഞെടുക്കപ്പെട്ടു.
ആശാ ശരത്തിെന്റ ദുബൈയിലെ ഇന്സ്റ്റിറ്റ്യൂട്ടിലാണ് ഭരതനാട്യം പരിശീലിച്ചിരുന്നത്. ബിജു ധ്വനി തരംഗിനൊപ്പം സെമി ക്ലാസിക്കല് നൃത്തവും ഡി ഫോര് ഡാന്സ് ഫെയിം റമീസിനൊപ്പം ഹിപ്ഹോപ് ഡാന്സും ആദര്ശ് നായര്ക്കൊപ്പം ബോളിവുഡ് ഡാന്സും പരിശീലിക്കുന്നു. സമാ സ്പോര്ട്സാണ് നീന്തല് പരിശീലന തട്ടകം. മലയാളി പെണ്കുട്ടികള് അധികം പരിശ്രമിക്കാത്ത ജിംനാസ്റ്റിക്കിലും ഒരു കൈ നോക്കാനാണ് അന്ഷിയുടെ ശ്രമം. മാതാവ് ജീന മോഡലും ചിത്രകാരിയുമാണ്. പിതാവ് ആര്.കെ. അനീഷ് ദുബൈ സ്നൈഡര് ഇലക്ട്രിക് എന്ന സ്ഥാപനത്തില് എന്ജിനീയറാണ്.
ന്യൂസ്റൂം വാർത്തകൾ ലഭിക്കാൻ 66200 167 എന്ന നമ്പറിൽ സന്ദേശം അയക്കുക.