February 15, 2022
February 15, 2022
ദോഹ : രാജ്യത്തെ പ്രകൃതി സൗഹൃദ പാർക്കുകളിൽ ഒന്നായ അൽ വാദി പാർക്കിന്റെ നവീകരണം പൂർത്തിയായതായി പൊതുമരാമത്ത് വകുപ്പായ അഷ്‌ഗാൽ അറിയിച്ചു. പൊതു ഇടങ്ങൾ സൗന്ദര്യവത്കരിക്കാനുള്ള പ്രത്യേക സൂപ്പർവൈസറി കമ്മിറ്റിയുമായി സഹകരിച്ചാണ് പാർക്കിനെ മോടി പിടിപ്പിച്ചത്.
അൽ വജ്‌ബയിൽ സ്ഥിതി ചെയ്യുന്ന പാർക്കിലെ ഒരുലക്ഷത്തോളം സ്‌ക്വയർ മീറ്റർ പ്രദേശത്ത് മരങ്ങൾ നട്ടുപിടിപ്പിച്ചതായും അഷ്‌ഗാൽ കൂട്ടിച്ചേർത്തു. പ്രകൃതിയുമായി ഇണങ്ങി നിൽക്കുന്ന പാർക്കിൽ നടപ്പാതകളും, സൈക്ലിങ് സൗകര്യവും, കാഴ്ചകൾ ആസ്വദിക്കാൻ ഇരിപ്പിടങ്ങളും തയ്യാറാക്കിയിട്ടുണ്ട്. ഖത്തറിൽ സ്വാഭാവികമായി കാണപ്പെടുന്ന വൃക്ഷങ്ങളുടെ തൈകളാണ് പാർക്കിൽ ഉടനീളം നട്ടിട്ടുള്ളത്.
